Dúnıejúzilik densaýlyq saqtaý uıymynyń (DDU) dırektory Tedros Adanom Gebreıesýs álemde koronavırýstyń «delta» shtammynan da qaýipti shtamm paıda bolýy múmkin ekendigin eskertti. Bul týraly ol búgin Tokıoda ótken Halyqaralyq Olımpıada komıtetiniń (HOK) 138-sessııasynda sóılegen sózinde aıtty dep habarlaıdy «Adyrna» ulttyq portaly.
«Vırýstyń taralýy neǵurlym keń bolsa, soǵurlym kóp nusqasy paıda bolady, eger shynymen basqa shtamm paıda bolsa, onda ol «delta» nusqasynan góri qaýipti bolady. Nusqalar qanshalyqty kóp bolsa, olardyń bireýiniń vakınalardan jaltarý múmkindigi soǵurlym joǵary bolady. Osyshlaısha biz pandemııanyń baıaǵy «basyna» oralamyz», - dedi ol.
DDU dırektory ózine «pandemııa qashan aıaqtalady?» degen suraq jıi qoıylatynyn aıta kelip: «Shynynda da, kovıd pen pandemııa bizdi kóp suraqtyń astyna aldy. Pandemııa - bul qıyn másele, al álem onymen kúresip jatqan joq. Men osy minbede sóılep turǵan kezimde álemde COVID-19-dan 100 adam qaıtys bolyp jatyr, al 8 tamyzda, Olımpıada alaýy sóngenge deıin, búkil álemde koronavırýstyń kesirinen 100 000-nan astam adam kóz jumady», - dedi.
«Adyrna» ulttyq portaly.
