DDU basshysy Gaza sektoryndaǵy adamdardyń jaǵdaıy týraly málimdedi, dep habarlaıdy "Adyrna" tilshisi Euronews-ke silteme jasap.
DDU Bas dırektory Tedros Gebreıesýs BUU Qaýipsizdik Keńesinde Gazadaǵy adamdardyń ómiri men densaýlyǵyna qaýip tónip jatqanyn, ár on mınýt saıyn bala ólimi bolatynyn aıtty.
Dúnıejúzilik uıymnyń málimetinshe, aımaqtyń 36 aýrýhanasynyń jartysy jáne alǵashqy medıınalyq kómek pýnktteriniń úshten ekisi jumys istemeıdi. Al qalǵan aýrýhanalar óz múmkindikterinen tys jumys istep jatyr.
"Men Keńeske janarmaı, azyq-túlik jáne sý tapshylyǵy týraly habarlaýǵa daıynmyn. Biraq, shynymdy aıtsam, qazir bizdi jaralylar men naýqastardyń ómirine tóngen qaýip alańdatýda", — dedi Palestınanyń "Qyzyl Jarty Aı" qozǵalysynyń basshysy.
