Atyrau oblysy äkımınıŋ būrynǧy orynbasary Baqytgül Hamenovanyŋ jazasy jeŋıldetıldı, dep habarlaidy "Adyrna" ūlttyq portaly.
Sot onyŋ jaza türın bostandyǧyn şekteuge auystyrdy.
16 nauryz künı Atyrau qalasynyŋ №2 soty probasiia qyzmetınıŋ ūsynysyn qarap, tiıstı şeşım qabyldaǧan. Sot mälımetınşe, Hamenova jazany öteudı keiınge qaldyru merzımı ışınde, iaǧni 2026 jylǧy 10 nauryzǧa deiın zaŋ būzbaǧan jäne äkımşılık jauapkerşılıkke tartylmaǧan.
Osyny eskergen sot qalǧan jaza merzımın bostandyǧyn şekteumen almastyryp, oǧan probasiialyq baqylau belgıledı.
Eske salaiyq, Baqytgül Hamenova 2022 jyldyŋ qaraşa aiynda para alu ısı boiynşa kınälı dep tanylyp, 7 jylǧa bas bostandyǧynan aiyrylǧan bolatyn. Is 4,5 mln teŋgege bailanysty bolǧan. Būl qarajat Abai Qūnanbaiūlyna eskertkış ornatu jobasyna qatysty delıngen. Sonymen qatar, sot onyŋ mülkın tärkılep, ömır boiy memlekettık qyzmette jūmys ısteu qūqyǧynan aiyrǧan.
Alaida kışkentai balalarynyŋ boluyna bailanysty jaza öteu üş jylǧa keiınge qaldyrylǧan edı. Hamenova öz kınäsın moiyndamai, ükımge şaǧym tüsırgenımen, sot şeşımı özgerıssız qalǧan.
Sondai-aq, būǧan deiın onyŋ toida jürgen videosy äleumettık jelıde taraǧan. Bas prokurordyŋ orynbasary Ǧalymjan Qoigeldievtıŋ aituynşa, jazany öteu merzımı keiınge qaldyrylǧan jaǧdaida sottalǧan adamǧa ıs-şaralarǧa qatysuǧa zaŋ boiynşa tyiym salynbaidy. Hamenova mūndai şaralarǧa probasiia qyzmetınıŋ rūqsatymen barǧan.
