Prezıdent Qasym-Jomart Toqaev úkimetke Qazaqstanda koronavırýsqa qarsy kúres boıynsha jedel jospar qurýǵa jáne vakına alǵan adamdar sanyn kóbeıtýge bir aı ýaqyt berdi, - dep habarlaıdy “Adyrna” ulttyq portaly Aqordaǵa silteme jasap.
"Búgin kóterilgen barlyq másele úkimettiń erekshe baqylaýynda bolýy tıis. Jedel is-qımyldyń naqty jospary qajet. Qabyldanǵan sharalar týraly bir aı merzimde baıandama jasaýdy suraımyn", - dedi Toqaev.
Toqaev premer-mınıstr, vedomstvo basshylary, qala men oblys ákimderi qatysqan jumys keńesinde koronavırýspen kúres, antıvakserler problemasy, óńirlik aýrýhanalardyń tómen deńgeıde jaraqtanýy, karantın rejımin buzatyn adamdardyń jazasyz qalýy, sondaı-aq, vakınaııa pasporttaryn qoldan jasaý jáne PTR-taldaýlar máselesin kóterdi.
Memleket basshysy Qazaqstandaǵy epıdahýal nasharlap bara jatqanyn aıtty.
Sonymen qatar, Prezıdent Qazaqstannyń keıbir aımaǵynda koronavırýsqa qarsy vakına durys saqtalmaǵanyn, saldarynan preparat tıimdiligi tómendegenin atap ótti.
Ol vakınamen az qamtylǵan óńirlerge kómek kórsetý úshin kóshpeli brıgadalar qurýdy tapsyrdy.
Sondaı-aq, Qasym-Jomart Toqaev qazaqstandyqtardy jaqyndarynyń amandyǵyn oılaýǵa shaqyrdy.
