Jambyl oblysynda köpbalaly äkeler memlekettık organdardy aldap, zaŋsyz järdemaqy alyp kelgen dep habarlaidy "Adyrna" ūlttyq portaly «Euraziia» bırınşı arnasyna sılteme jasap.
Mūny «Antikor» ortalyǧynyŋ ökılderı anyqtaǧan. Pysaqailar jerdämaqyǧa ötınım beru kezınde jalǧan derekter körsetıp, 14 million teŋgeden astam qarjyny qaltalaryna basqan. Bas-aiaǧy oŋai jolmen oljaly bolǧan 30-ǧa juyq azamattyŋ osyndai äreketı äşkerelenıptı.
Jemqorlyqpen küresuşıler memleketten arnauly kömek alatyn 124 tūrǧynnyŋ qūjatyn tekserıptı. Söitse, olardyŋ jartysynyŋ ǧana ötınımderı talapqa sai şyqqan. Al qalǧandary järdemaqyǧa ötınış bergen kezde jalǧan derekterdı körsetıp kelgen.Atap aitsaq, özımen bırge tūrmaityn nemese zaŋdy türde ajyrasqan äielderınıŋ qolyndaǧy balalardy baǧyp otyrmyn dep aldaǧan. Zaŋsyz järdemaqy alǧan äkeler memleket qarjysyn qaitarady. — Uäkılettı organ tarapynan qazırgı kezde osyndai 27 ötınım boiynşa toqtatu şeşımı qabyldaǧan. Olarǧa osy uaqytqa deiın tölenıp kelgen 14 millionǧa juyq qarajatty kerı qaitaru boiynşa şaralar qabyldanyp jatyr. Ötınım bergen azamattardyŋ ıs-äreketınde osyndai alaiaqtyq belgıler baiqaluyna bailanysty bız qazırgı taŋda ony prosessualdy şeşım qabyldau üşın polisiia departamentıne joldaǧan bolatynbyz, — deidı QR Sybailas jemqorlyqqa qarsy ıs-qitmyl agenttıgınıŋ Jambyl oblysy boiynşa departamentınıŋ basşysy Däuren Omarov. Aita ketu kerek, qazırgı taŋda jalpy şyǧynnyŋ 150 myŋ teŋgesı ǧana qazynaǧa qaitarylǧan.
"Adyrna" ūlttyq portaly.
