Öskemen tūrǧyny koronavirusqa qarsy «vaksinasiialanǧanyn» aiaq-asty bılgen, bıraq şyn mänınde ol vaksina almaǧan, dep habarlaidy «Adyrna» ūlttyq portaly Stan.kz aqparat agenttıgıne sılteme jasap.
Şyǧys Qazaqstan oblysynda derekter bazasyndaǧy qatelıkke bailanysty 47 jastaǧy äiel vaksina salǧan dep tanyldy. Ol būl turaly vaksina aluǧa kelgen emhanasynda bılgen. Därıgerler mūndai qatelıkter būǧan deiın de oryn alǧanyn aitqan.
«Men vaksinany alu üşın bölmege kırdım. Basqa bır medisina qyzmetkerı: «Toqtaŋyz, ol vaksina alyp qoiǧan» dep aiqailap jatyr. Belgılı bolǧandai, men Ūrjar qalasynda vaksina alyppyn. Men Ürjar qaida ekenın bılmeimın, bıraq ol jerde eşqaşan bolǧan emespın. Onda tuystarymyz da, dostarymyz da joq», - dedı İrina Bocharnikova.Derekter bazasynda İrina vaksinanyŋ alǧaşqy komponentın 19 mausymda aldy dep jazylǧan. Qūjattarda onyŋ qoly bar. Qūjatqa säikes, endı ol ekpenıŋ ekınşı komponentın aluy kerek.
«Kartada: ŞQO Densaulyq saqtau basqarmasynyŋ Ürjar audandyq №2 auruhanasy, Biiuntinova Anar Baqtyqanqyzy oǧan rūqsat bergenı jazylǧan. Aqparattyq kelısım de bar. Barlyǧy jazylyp tūr. Oǧan «Sputnik V» egılgen», - dep habarlady uchaskelık medbike Äigerım Qūsmanova.Därıgerlerdıŋ aituynşa, JSN dūrys engızılmegen nemese baǧdarlamanyŋ özı ısten şyqqan boluy mümkın.
«Män-jai anyqtalǧanǧa deiın bız oǧan vaksina ekpeimız. Qazır qate turaly tiıstı organdarǧa habarlaimyz, qūjattardy retke keltıremız. Eger onyŋ vaksinasiialanbaǧany rastalsa, bız oǧan bırınşı komponenttı ege alamyz. Būl täjıribemızdegı ekınşı jaǧdai», - dep tüsındırdı Öskemen qalasyndaǧy «Vita-1» emhanasynyŋ direktory Raia Rahimova.Aita keteiık, resmi derekter boiynşa, ŞQO-da bügıngı künı tūrǧyndardyŋ 90 paiyzy bırınşı komponentın ektı. Al ekınşı komponent halyqtyŋ 65 paiyzyna salyndy.
"Adyrna" ūlttyq portaly
