Shymkent qalasy týrızm jáne syrtqy baılanystar basqarmasyna qarasty «Visit Shymkent» týrıstik-aqparattyq ortalyǵy» KMM-i jyl basynan beri 5 476 adamǵa anyqtamalyq-konsýltaııalyq qyzmet kórsetti.
Bul týraly basqarma basshysynyń mindetin atqarýshy Arman Sársenov @akimat_shymkent ınstagram paraqshasynda ótken tikeleı efırde 5 aıda atqarylǵan jumystary týraly baıandamasynda málimdedi.
Shymkent qalasy týrızm jáne syrtqy baılanystar basqarmasynyń negizgi maqsaty – ishki týrızmdi damytý jáne týrıstik saladan túsetin tabysty arttyrý. Bul rette, týrızmdi damytýdyń 5 baǵyty aıqyndalyp otyr. Olar: júıelik is-sharalar, týrıstik ınfraqurylymdy jaqsartý, marketıngtik ilgeriletý, syrtqy baılanystardy jáne medıınalyq týrızmdi damytý.
«Visit Shymkent» týrıstik-aqparattyq ortalyǵynyń negizgi maqsaty – týrıster men qala qonaqtaryna «bir tereze» qaǵıdasy boıynsha aqparattyq-konsýltatıvtik kómek kórsetý. Qala aýmaǵynda týrıster kóp shoǵyrlanatyn oryndarda (áýejaı, temir jol vokzaly, saıabaqtar men Arbat) 7 aqparattyq dúńgirshek qyzmet atqarady.
Qalada ornalasqan aqparattyq kıoskiler tarapynan jyl basynan anyqtamalyq-konsýltaııalyq qyzmet kórsetilip keledi (AQSh, Ulybrıtanııa, Úndistan, Majarstan, Reseı, Koreıa, Ózbekstan jáne t.b.). Qonaqtarǵa qala týraly búktemeler, kitapshalar jáne kartalar taratylyp, 55 ekskýrsııa ótkizildi.
Qaladaǵy týrızm salasyna qajetti nysandardyń jaǵdaıyn anyqtaý úshin túgendeý jumystary júrgizildi. Týrıstik nysandardyń derek qory jasaqtalyp, saýalnama túzildi. Shymkenttiń týrıstik áleýetin ilgeriletý maqsatynda jyl basynan beri birqatar mekemelermen 13 memorandýmǵa qol qoıyldy.
Shymkent qalasy ákimdiginiń baspasóz qyzmeti
