Türkıstan oblysynda er adam sauda ortalyǧyn tonap, 23 mln teŋgenıŋ zatyn alyp ketken dep habarlaidy "Adyrna" ūlttyq portaly "Polisia.kz-ke" sılteme jasap.
Saryaǧaş APB-nyŋ kezekşı bölımıne 102 telefony arqyly habarlama kelıp tüsken. Onda Saryaǧaş qalasynyŋ köşelerınıŋ bırındegı sauda ortalyǧynda tonau qylmysy oryn alǧany jaily körsetılgen. Sauda ortalyǧyna belgısız azamat kelıp, 93 dana ūialy telefon men ekı dana noutbuktı jymqyryp, jalpy 23 million teŋge şyǧyn keltırgen.Polisiia qyzmetkerlerı atalǧan jaitty QR QK-nıŋ 191-baby (Tonau) boiynşa tırkep, qylmysty aşu üşın jedel-tergeu toby qūrǧan. Poliseiler küdıktını ızın suytpai qūryqtau maqsatynda qajettı şaralardy jüzege asyrdy. Kuägerlerden sūrastyryp, oqiǧa bolǧan jerdıŋ jan-jaǧyn aralap, beinebaqylau kameralaryn mūqiiat qarap şyqty. Nätijesınde küdıktı azamattyŋ jeke basy anyqtalyp, tūrǧylyqty üiınen qolǧa tüstı. Qazırgı taŋda küdıktı qamauǧa alynyp, tergeu amaldary jalǧasuda.
Belgılı bolǧandai, küdıktı azamat tüngı saǧat 03:00 şamasynda sauda ortalyǧyna esık arqyly kırıp, qarauyldy qorqytyp, äjethanaǧa qamap qoiǧan. Sodan soŋ qolyna ılıngen ūialy telefondar men noutbukterdı alyp, oqiǧa ornynan boi tasalaǧan.Ūrlyq jasaǧan er adam qoldy etken zattardyŋ barlyǧyn satyp, aqşasyn bas paidasynyŋ qajettılıgıne jūmsaǧan.
"Adyrna" ūlttyq portaly.
Ūqsas jaŋalyqtar
