Túrkistan oblysynda er adam saýda ortalyǵyn tonap, 23 mln teńgeniń zatyn alyp ketken dep habarlaıdy "Adyrna" ulttyq portaly "Polisia.kz-ke" silteme jasap.
Saryaǵash APB-nyń kezekshi bólimine 102 telefony arqyly habarlama kelip túsken. Onda Saryaǵash qalasynyń kósheleriniń birindegi saýda ortalyǵynda tonaý qylmysy oryn alǵany jaıly kórsetilgen. Saýda ortalyǵyna belgisiz azamat kelip, 93 dana uıaly telefon men eki dana noýtbýkti jymqyryp, jalpy 23 mıllıon teńge shyǵyn keltirgen.
Polıııa qyzmetkerleri atalǵan jaıtty QR QK-niń 191-baby (Tonaý) boıynsha tirkep, qylmysty ashý úshin jedel-tergeý toby qurǵan. Polıeıler kúdiktini izin sýytpaı quryqtaý maqsatynda qajetti sharalardy júzege asyrdy. Kýágerlerden surastyryp, oqıǵa bolǵan jerdiń jan-jaǵyn aralap, beınebaqylaý kameralaryn muqııat qarap shyqty. Nátıjesinde kúdikti azamattyń jeke basy anyqtalyp, turǵylyqty úıinen qolǵa tústi. Qazirgi tańda kúdikti qamaýǵa alynyp, tergeý amaldary jalǵasýda.
Belgili bolǵandaı, kúdikti azamat túngi saǵat 03:00 shamasynda saýda ortalyǵyna esik arqyly kirip, qaraýyldy qorqytyp, ájethanaǵa qamap qoıǵan. Sodan soń qolyna ilingen uıaly telefondar men noýtbýkterdi alyp, oqıǵa ornynan boı tasalaǵan.
Urlyq jasaǵan er adam qoldy etken zattardyń barlyǵyn satyp, aqshasyn bas paıdasynyń qajettiligine jumsaǵan.
"Adyrna" ulttyq portaly.
