Ótken táýlikte Reseıde COVID-19 juqtyrǵan 752 adam kóz jumdy. Bul — pandemııa bastalǵannan beri Reseıdegi eń joǵary kórsetkish dep habarlaıdy "Adyrna" ulttyq portaly "Rıa Novostıge" silteme jasap.
Máselen, Máskeýde — 108, Sankt-Peterbýrgte — 102, Nıjnıı Novgorod oblysynda 28 adam qaıtys bolǵan.
Buǵan deıingi rekord 7 shildede tirkelgen. Ol kezde bir táýlikte 737 adam indetten kóz jumǵan.
Reseıde COVID-19 juqtyrǵandar sany sońǵy táýlikte 25 082 quraǵan (bir kún buryn 25 766 bolǵan). Táýligine ósý qarqyny 0,45-ten 0,44 paıyzǵa deıin tómendegen. Vırýs juqtyrǵandardyń 12,5 paıyzynda aýrý belgileri joq. 17750 adam emdelip, aýrýhanadan shyǵaryldy.
Jalpy alǵanda, Reseıde pandemııa kezinde 5 758 300 adam koronavırýs juqtyrdy, onyń 142 253-i qaıtys boldy, 5 182 837 naýqas emdelip shyqty.
Dúnıejúzilik densaýlyq saqtaý uıymynyń sońǵy derekteri boıynsha álemde indetti 185,3 mıllıon adam juqtyrǵan, al Djon Hopkıns ýnıversıtetiniń baǵalaýy boıynsha olardyń sany 186 mıllıonnan asqan. Tórt mıllıonnan astam adam ómirden ótken.
"Adyrna" ulttyq portaly.
