Tórt balasy bar áıel «kópbalaly ana» emes

1893

QR eńbek jáne halyqty áleýmettik qorǵaý mınıstrligi zań boıynsha kópbalaly analar qataryna tórt balasy bar áıel adamdardyń jatpaıtynyn ortalyq kommýnıkaııalar qyzmetinde ótken onlaın brıfınginde aıtty, dep habarlaıdy «Adyrna» ulttyq portaly.

Áleýmettik kómek saıasatyn damytý departamentiniń dırektory Asqar Nııazov búginde halyq arasynda tórt balasy bar áıelderdi de «kópbalaly ana» dep aıtyp júrgendigi týraly sóz qozǵady.

«Bizde «Otbasy jáne neke týraly» kodeks bar. Onyń 1-babynyń 17-tarmaqshasyna sáıkes, «kópbalaly otbasy» – bul tórt jáne odan da kóp balasy bar otbasylar. Al «kópbalaly ana» degenimiz, ol 6-7 jáne odan da kóp balasy bar ardaqty analarymyz. Olardyń barlyǵy – «Kúmis alqa» nemese «Altyn alqa» ıegerleri», - dedi ol.

"Adyrna" ulttyq portaly

Pikirler
Redakııa tańdaýy