Ýkraınada on jastaǵy jetkinshek erte qartaıý saldarynan kóz jumdy. Ira Hımıchtiń qaıtys bolǵany týraly onyń anasy Facebook-tegi paraqshasynda jazdy, dep habarlaıdy «Adyrna» ulttyq portaly Sputnik Qazaqstan saıtyna silteme jasap.
«Ira kóz jumdy. Keshe onyń júregi toqtady. Seni osy joly qutqara almaǵanymyz úshin bizdi keshir», - dep jazdy Dına Hımıch.
Qyz bala progerııa atty emdelmeıtin sırek kezdesetin genetıkalyq aýrýǵa shaldyqqan, ony Hatchınson-Gılford sındromy dep te ataıdy.
Iranyń anasy áleýmettik jelide qyzynyń sýretterin jarııalap, onyń oqýdaǵy jetistikteri men qaıyrymdylyq akııalaryna qatysqany týraly turaqty jazyp kelgen.
Progerııa – balalarda kezdesetin klınıkalyq turǵyda merziminen buryn qartaıý belgileri bar genetıkalyq aýrý.
Bul dert teri jáne ishki organdardyń ózgerýin týdyrady. Ádette sábı birneshe aı qalypty damyp, odan keıin keri qaıtarylmaıtyn ózgerister paıda bolady da, qartaıý proesi údeı túsedi.
Búginde balalardaǵy progerııa kezinde ómir súrý uzaqtyǵy 13 jasty quraıdy. Bul aýrý kóp jaǵdaıda balanyń eki-úsh jasynda anyqtalady. Irına Hımıchke bul dıagnoz bes jasynda qoıyldy.
"Adyrna" ulttyq portaly
