Aıtysker aqyn Rınat Zaıtovtyń 2021 jylǵy 8 aqpanda «Alataý» dástúrli óner teatry» KMQK-nyń dırektory bolyp taǵaıyndalǵany belgili. Qazaqstanda, tipti álemde balamasy joq biregeı Teatrǵa esimi alty Alashqa máshhúr birtýar aqyn kelgeli qandaı is-sharalar atqaryldy degen suraq kóbiniń kókeıinde júrgeni sózsiz.
Kez-kelgen mekemeniń ınstıtýtıonaldyq júıesin qalyptastyrý, jetildirý kerek ekeni anyq. Rınat Zaıtov bul boıynsha bylaı deıdi: «Bul Teatrdyń maqsatyn, jalpy baǵytyn aıqyndaý úshin biz eń birinshi kezekte dástúrli án ónerin, kúı ónerin daralaýǵa tyrystyq. Mysaly, «Kez bolǵan soń ker zaman» atty mýzykalyq qoıylym-konertte qazaqtyń dástúrli án ónerindegi bes mektep (Arqa, Jetisý, Batys, Syr, Altaı-Tarǵybataı) qamtyldy. Al «Altybaqan» oıyn-saýyq án keshinde bir dástúrli ándi, ıaǵnı «Saryarqany» úsh ánshi oryndady. Buǵan deıin mundaı tájirıbeni tek opera oryndaýshylary, atap aıtqanda Lýchano Pavarottı, Plasıdo Domıngo jáne t.b. tenorlar qoldanatyn. Bizdiń dástúrli ánderimiz keıbir estrada ánderi sııaqty jolaı shyǵaryla salǵan ánder emes, árbireýiniń artynda bir-bir tarıh tur. Sol tarıhty kórinis arqyly qysqasha baıandap, ánniń tabıǵatyn jetkizýge jumys istep jatyrmyz. Qazir de, aldaǵy ýaqytta da negizgi akentti dástúrli halyq ánderi, halyq kompozıtorlarynyń shyǵarmalaryna beremiz».
Osy baǵytta qolǵa alynǵan dástúrli ónermen sıntezdelgen teatrlyq qoıylymdardyń biri – 30 mamyrda Almaty qalasy ákimdigi jáne Almaty qalasy ákimdigine qarasty Mádenıet basqarmasynyń qoldaýymen Almaty qalasy Mádenıet basqarmasyna qarasty «Alataý» dástúrli óner teatrynda» ótken «Kez bolǵan soń ker zaman» atty mýzykalyq qoıylym-konert (Qoıýshy-rejısser – Juldyzbek Jumanbaı, qurastyrýshy avtor – Ardaq Berkimbaı). Bul qazaq teatrynyń tarıhynda sóz bolmaǵan tyń jańalyq boldy. Qoıylym-konertte saıası qýǵyn-súrginge ushyraǵan Úkili Ybyraı, Imanjúsip Qutpanuly, Turmaǵambet Iztileýuly, Qapez Baıǵabyluly, Sulýbaı, Amanǵalı syndy óner tulǵalary jáne Shákerim Qudaıberdiuly, Ahmet Baıtursynuly, Mirjaqyp Dýlatuly, Júsipbek Aımaýytuly, Maǵjan Jumabaı, Sáken Seıfýllın sııaqty ulttyq saıası-mádenı elıtanyń ánderi aıtylyp, rýhty muralary nasıhattalyp, sahnalandy.
Sonymen qatar josparda halqymyzdyń mádenı, saıası, ekonomıkalyq, áleýmettik ómirinde asa mańyzdy ról atqarǵan, Qajymuqan, Balýan sholaq, Imanjúsip sııaqty talant ıeleri óner kórsetken ataqty Qoıandy jármeńkesin ótkizý bar ekenin erekshe atap ótken jón.
«Alataý» dástúrli óner teatry jaıly bir aýyz sózben aıtatyn bolsaq, bul Teatr «Ulttyq» statýs alýǵa ábden laıyq degen oıdamyn. Bul halyqtyń pikiri dese de bolady!
8 aqpannan keıin atqarylǵan is-sharalar tómendegideı:
9 aqpan – «Muqaǵalımen syrlasý» poetıkalyq keshi.
(Aqıyq aqyn M. Maqataevtyń 90 jyldyǵyna arnalǵan)
13 aqpan – «Aıtys» (Júrsin Ermannyń 70 jas mereıtoıyna arnalǵan «Assyl dombra» 2021 aıtys báıgesiniń tusaýkeseri)
14 aqpan – «Alataý alabynda» («Alataý» dástúrli óner teatrynyń dástúrli ánshisi, Qazaq óneriniń qaıratkeri Alma Amanjolovanyń shyǵarmashylyq keshi)
27 aqpan – «Men ómirdi súıemin» (Kórý jáne estý múmkindigi shekteýli jandardyń qaıyrymdylyq konerti)
8 naýryz – «Anaǵa taǵzym» (Halyqaralyq áıelder merekesine arnalǵan saltanatty is-shara)
Ulystyń uly kúni Almaty qalasynyń ákimdiginiń jáne Mádenıet basqarmasynyń qoldaýymen «Alataý» dástúrli óner teatry saýyqtyq-tanymdyq baǵdarlamar toptamasyn onlaın usyndy.
20 naýryz – «Qydyrbektiń qyzyqty kúni nemese Almaty Naýryzymen tanysý» tanymdyq telejobasy.
21 naýryz – «Aıtys túrleri» atty saýyqtyq qoıylym.
22 naýryz – «Qosh keldiń Naýryz» atty dástúrli mýzykalyq konert.
1 mamyr – Qazaqstan halyqtarynyń birligi kúnine arnalǵan «Bir shańyraq astynda» atty onlaın baıqaý (Ózge ult ókilderiniń qazaq halyq ánderin oryndaýlary boıynsha). Sondaı-aq osy kúnge oraı Almaty qalasy Mádenıet basqarmasynyń qoldaýymen «Alataý» dástúrli óner teatry «Ult birligi – uly baılyq» atty sazdy jáne saýyqtyq onlaın is-sharany ótkizdi.
7 mamyr – Otan qorǵaýshylar kúnine jáne 9 mamyr Uly jeńis kúnine oraı uıymdastyrylǵan onlaın «Aıtys» (Almaty qalasy mádenıet basqarmasynyń qoldaýymen)
9 mamyr – Uly jeńis kúnine arnalǵan merekelik konert. (Onlaın formatta Almaty telearnasymen)
30 mamyr – Saıası qýǵyn-súrgin jáne asharshylyq qurbandaryn eske alý kúnine arnalǵan «Kez bolǵan ker zaman» atty mýzykalyq qoıylym-konert ótti.
1 maýsym – Balalar kúnine oraı beınesıýjetter túsirilip, Teatr atynan «Alataý» táttileri usynyldy.
4 maýsym – «QR Memlekettik rámizder kúnine» oraı Teatr ujymy QR Memlekettik Gımnimen jumys kúnin bastady. Sondaı-aq Qazaq áýenderimen birige otyryp, Almaty Mádenıet basqarmasyna qarasty Almaty TV telearnasynda ótken Memlekettik konertke Teatr ujymy atynan 5 ónerpaz ben Ansambl mýzykanttary qatysty.
20 maýsym – Halyqaralyq ákeler kúnine oraı arnaıy sıýjettik vıdeoquttyqtaýlar boldy. Teatrdyń shyǵarmashylyq tobymen qatar Teatrdyń ákimshilik qyzmetkerleri de qatysty.
23 maýsym – «Altybaqan» oıyn-saýyq án keshi ótti. Atalmysh qoıylym Mádenıet jáne sport mınıstrliginiń bastamasymen «Rýhanı jańǵyrý» aıasynda iske asyryldy.
«Alataý» dástúrli óner teatrynyń áleýmettik jeliler arqyly atqarǵan jumystary (Qaralym boıynsha):
YouTube: 1 200 557
Facebook : Orta eseppen 30 000
Instagram: 71 552
Jalpy sany: 1 302 109
Aýdıtorııany qamtý boıynsha shamamen 1 952 109
Qýanysh Jumabekuly
PhD doktory,
«Alataý» dástúrli óner teatry Ádebıet bóliminiń basshysy
