Quqyq qorǵaý organdarynyń burynǵy qyzmetkeri burynǵy áıelin sotqa berip, BAQ-ta jarııalanǵan aqparatty jaramsyz dep tanýdy surady, dep habarlaıdy «Adyrna» ulttyq portaly Stan.kz aqparat agenttigine silteme jasap.
Byltyr polıeıdiń burynǵy áıeli Ásel basylym jýrnalısterine alty jyl boıy kúıeýinen kórgen qorlyǵy jaıly aıtyp edi.
Materıal BAQ-ta jarııalanǵannan keıin er adam burynǵy áıelin sotqa berdi jáne maqalanyń shyndyqqa janaspaıtynyn málimdedi. Ol áıelden bir mıllıon teńge talap etti.
Sot proesinde burynǵy áıelinen basqa, «Oral aptalyǵynyń» redaktory men jýrnalısteri jaýapker boldy.
Áıeldiń advokaty talap qoıýdan bas tartýdy ótindi, óıtkeni uryp-soǵý faktisi is materıaldaryna tirkelgen qujattarmen rastaldy. Jýrnalıster men portal redaktory da sot isinen bas tartýdy surady. Sebebi olar jarııalanǵan aqparat ras ekenine senimdi boldy.
Oblystyq sottyń sýdıasy Hatıma Ersenova is materıaldaryn zerttep, eks-polıeıdiń aryzyn qanaǵattandyrmady. Negizi sot saraptamasy boldy, ol burynǵy kúıeýi Áseldi urǵanyn rastady.
«Oǵan zatpen zaqym keldi, beti, arqasy jáne qoldary kógerdi, sonymen qatar saraptama jábirlenýshiniń mıy shaıqalǵanyn anyqtady», – dedi oblystyq sottyń sýdıasy.
Ersenova Áseldiń ótinishi boıynsha er adamǵa qatysty ákimshilik jáne qylmystyq isterdi de zerttedi. Sot materıaldardy qaraý barysynda olarda sıpattalǵan barlyq oqıǵalardyń oryn alǵanyn anyqtady.
Burynǵy polıııa qyzmetkeriniń talap aryzyn sot qanaǵattandyrýsyz qaldyrdy.
Sotta Ásel burynǵy kúıeýi áli kúnge deıin ony qýdalap, «óltiremin» dep qorqytqanyn atap ótti.
Eske sala keteıik, buǵan deıin áıel áleýmettik jelide kúıeýi soqqyǵa jyqqannan keıingi sýretin jarııalaǵan edi. Ásel kúıeýi birinshi ret qyzy 4 aılyq bolǵan kezde qol kótergenin aıtty. Áıeldiń aıtýynsha, kúıeýi alty jyl boıy uryp-soqqan. Ásel aýrýhanaǵa túskennen keıin otbasyndaǵy zorlyq-zombylyq týraly aıtýdy jón sanady.
"Adyrna" ulttyq portaly
