Shymkentte rámizder kúnine oraı avtokólik sherýi jolǵa shyqty

1290
Adyrna.kz Telegram

Shymkentte Qazaqstan Respýblıkasynyń Memlekettik rámizder kúni merekesine oraı estafeta túrinde avtokólikter sherýi bastaldy. 

Is-sharanyń maqsaty - memlekettik rámizderdiń elimizdiń derbestigi men táýelsizdigin búkil álemge tanytýshy ári memleketimizdiń ótkeni men búgini jáne bolashaǵy arasyndaǵy sabaqtastyqtyń jarqyn kórinisi ekenin, sondaı-aq halqymyzdyń muqalmas rýhyn, qaharmandyǵy men danalyǵyn, asqaq arman-tilegin jetkizetin qundy belgi retinde tanytý.

Estafetany alǵash bolyp Shymkent qalalyq mádenıet úıiniń basshysy Sáken Maıǵazıev bastady. Qolyna kók týdy alyp, 12 ónerpazben birge kólikpen qala kósheleri arqyly «Arbat» demalys aımaǵyna jol tartty. Ol jerde «QR Eńbegi sińgen sport sheberi», bokstan Álem chempıony, Olımpıada oıyndarynyń qatysýshysy Birjan Jaqypovqa estafetany joldaıdy.

Árbir belgilengen orynda turǵyndarǵa rámizderge baılanysty suraqtar qoıylyp, jeńimpazdarǵa «QAZAQSTAN» shokolady tabystalady.

Keń baba saıabaǵynda sportshy estafetany №1 qalalyq klınıkalyq aýrýhananyń bas dárigeri Abylaı Donbaıǵa usynady.

Keıinnen sherý Asar shaǵyn aýdanynda «Úzdik pedagog-2020» Jadyra Shabdenge, odan ary "Shymkent Sıtıdi" aınalyp ótip, Ákimshilik iskerlik alańyna qaraı jol tartady. Ol jerde búgingi kúnniń batyry №1 mamandandyrylǵan órt sóndirý bóliminiń órt sóndirýshi-qutqarýshysy, azamattyq qorǵaý kishi serjanty Vahıdjan Kazakbaevqa tabystalady.

Shymkent qalasy ákimdiginiń baspasóz qyzmeti

Pikirler