Kesheleri osy fb-da Saken Znurgen Djennıfer Lopestiń Astanada ótpekshi gastroldik konertine baılanysty post berip, onda Sanjar Kerimbaıdyń "Qýys keýde" deıtin kitabynan taqyrypqa qatysy bar úzik keltirgen eken. Avtor 10 jylda( 2008--2018) Astana kúnin toılaýǵa shaqyrylǵan sheteldik artısterdiń tolyq jylnamasyn berip, bir ondyqty kózinen shálkilep tizip, kógendep tastapty.
Biz osyndaǵy tórt jyldy (2009-2012) qyzmet babymen Astanada ótkizgen edik. Ondaǵy álgindeı mádenı oqıǵalar jadymyzda tutylyp qalypty.
Qalalyq ákimdikke qaraıtyn baspasóz organy bolǵandyqtan bizge sol kúnderi oqta-tekte álgi "juldyzdardyń" konertterine tegin bıletter tıip qalatyn. Óz basym solardyń birqataryna bardym. Bochellıge jaqyndatpady, alystan emeski daýysyn ǵana estidik. Esesine Lara Fabıandy eki ret tyńdadym: 2011-diń qysynda ol Azıadanyń shymyldyǵyn Igor Krýtoıdyń Almaus kompozıııasymen ashty, al jazda sol Krýtoımen birge "Qazaqstan" zalynda jeke konert berdi. Azıadadaǵy áni sport saraıynda shyrqalǵandyqtan reverberaııa saldarynan jańǵyryǵyp durys estilmedi, jeke konerti de pálendeı áser ete qoıǵan joq. Degenmen aýdıtorııamen kontaktini kúshti júrgizedi eken, mysaly, sahnaǵa baıaǵy Aısedora Dýnkan qusap jalańaıaq shyqty, sosyn fortepıanoda otyrǵan Igordy ózine saýsaǵymen ilip shaqyryp edi, anaý empeleńdep jetti. Úıdegi ázirleme, árıne, sol jerleri keıin teledıdardan kórsetkende qyrqylyp qalypty. Sonan soń bir este qalǵany, uıymdastyrýshylar bizge ánshiniń aty-jónin aǵylshynsha transkrıpııamen berýdi usyndy.
Óz basym Sergeı Bezrýkovtyń "Hýlıgan" monospektaklinen de áserlene qoımadym. Esenınniń óleńderin janyn jep oqyǵany onsha tabıǵı shyqpady, jalpy bul artıstiń paandyq sahnalyq obrazy sátti emes dep bilemin.
Esesine Denıs Maýevtyń sol "Qazaqstan" zalynda ótken konerti unady. Onyń fortepıanodaǵy oıynyn urmaly aspap, arasynda fagot qostap otyrdy, daýylpazdaǵy jigit bir mezgilde ábden qyzyp, fortepıanonyń aıaǵyna deıin taıaqshalarymen uryp shyqty. Shoý elementteri, dese de óz basym tuqymymen pıanıst Denıstiń oıynynan bólekshe kúı keshtim. Ásirese, Rahmanınovtyń áıgili #2 konerti álige deıin esimnen ketpeıdi...
Sanjar atalǵan kitabynda "Joǵaryda baıandalǵan derekterde sál de bolsa naǵyz ónerdiń ıisi shyǵatyn, 2012 jyldan soń oǵan da zar bolyp qaldyq" depti. Bolsa bolar, men 2012 jyly Astanadan ketip qaldym ǵoı. Jalǵyz qosarym, ol jyldary shetten shaqyrylǵan artısterden shyn óner sál-pálden kóbirek, tipti odan da kóbirek tabylatyn deýge aýzym barady. Sara Braıtmanda naǵyz óner sál ǵana dep kim aıta alady?! Oıymsha, bir nárse jóninde pikir aıtardan buryn sol nárseni tolyq bilmek, kózben kórip, qulaqpen ustamaq kerek. Men bul jerde kórgen- baqqanymdy ǵana aıtyp otyrmyn.
Osy turǵydan kelgende Djennıfer Lopestiń jandy konertine barǵan qazaqstandyq kóp bolmas, tipti azbynshy desek qatelespespiz. Syrttaı, vırtýal áserler boıynsha pikir túıer bolsaq, oıǵa myna jaǵdaılar túsedi.
DjeLo ónerge 1960--1990 jyldar aralyǵyndaǵy álemdik belgili mýzykalyq eradan keıin kelgen býynnyń ókili. Al bul býynnan klassıkalyq, neoklassıkalyq bıik, shynaıy óner kútýdiń ózi absýrd. Ol - " Gollıvýd juldyzy" deıtin qazirgi mártebeli ataqtyń ıesi, másele onyń bul qıynnan tabar qymbatty qalaı ıelengeninde. Sózsiz, alpaýyt amerıkan shoý- bıznes naryǵyna DjeLo óziniń mańdaı terimen, ójettigimen kire aldy, jeńe aldy, moıyndata aldy. Eýropalyq aq násildi Lara Fabıan Selın Dıonmen aradaǵy básekege shydamaı, amerıkan sahnasyna kóterile almaı ketip qalǵanda, buratana sanalatyn latınos DjeLo óziniń azııalyq turpatty eske salatyn shyǵyńqy bet súıegi, úlken nurly kózderimen osynaý shikámshil ( násilshil) eldi baǵyndyra aldy. Arǵy tamyrymyz bir (úndistik turǵydan) bul óner ıesin biz osy jaǵynan da ózekke teppeýimiz kerek.
Ekinshiden, Djennıfer qalaıda talanttan quralaqan emes. Gollıvýdtyń Dańq zalyna esim jaıdan jaı jazylmaıdy jáne bul týrada DjeLonyń belgili "almurt" porymdy dene músini, bes jasar balanyń basyndaı omyraýy hám besikteı baltyry da qol ushyn soza almaıdy.
Lopes, negizinde, artıstik amplýasy boıynsha harakterli rólderdiń aktrısasy. Ishki, ımplııd máni boıynsha ıntravert shyǵarmashylyq tulǵa. Biraq oǵan osy bólekshe qalybyna saı ról, joba buıyryp júr me, mine, másele sonda. DjeLoǵa sapaly dramatýrgııa jetpeıdi, harakter aýqymdylyǵy aıqyn rólder jetpeıdi, jeketulǵalyq qaıtalanbas daralyqty syrtqy effektilik, rakýrstyń shuǵyldyǵy basyp ketip jatqan eýroamerıkan ónerinde oǵan suranys ta joq. Sonyń ózinde de bir nárse aıqyn -- sahnaǵa jarqyrap DjeLo shyqqan kezde, basqany bilmeımin, meniń esime " Uly akter, aktrısa degenimiz sahnada bolǵanynyń ózi óner faktisine aınalatyn ártis" degen ulaǵatty sóz túsedi.
Demek, qazaq qoǵamy úshin Djennıfer Lopesten at-tonyn ala qashatyndaı eshteńe joq. Biz qazirdiń ózinde álemdik mádenıetke kirigýden otyz jyldaı kesh qaldyq, sonyń kesirinen álem Eýrazııanyń jartysyn alyp jatqan elimizdi bile de bermeıdi, sonan da keıde bizge nadandarǵa qaraǵandaı qaraýy múmkin.
Sonan soń, Lopes bizge baıraqty toıǵa arnaıy shaqyrýmen emes, konerttik gastrolmen kelmek. Buryn bizge osylaı arnaıylap kelgen álemdik juldyz statýsyndaǵy ónerpaz boldy ma, joq pa, o jaǵyn bilmeımin. Biletinim, osyndaı jobalar arqyly álemdik úlken mádenıetke ıntegraııalanýdyń modeli birtindep jasala berýi kerek. Alamandyqqa boı aldyryp qajeti joq.
