Qytaı eline gastroldik saparmen barǵan ánshi Qaırat Nurtasqa keıbir ánderin oryndaýǵa ruqsat bermegen. Óner ıesiniń konerti qalaı ótkenin prodıýseri, anasy Gúlzıra Úsenqyzy aıtyp berdi, dep habarlaıdy “Adyrna”.
Prodıýseriniń sózinshe, qytaılyq bılik ánshige “Aýyrmaıdy júrek” atty tanymal ánin oryndaýǵa ruqsat bermegen.
“Eger tekserýden ótpegen ánder aıtylyp, fonogrammamen ketse, konertti toqtatyp, uıymdastyrýshyǵa qomaqty aıyppul salynady. Bizdiń aldymyzda 2-3 ánshiniń konertin solaı toqtatqan eken. Árbir ánniń sózin tekserip, uıǵyr halqynyń qatty kútken “Aýyrmaıdy júrek” jáne taǵy 3-4 ándi oryndaýǵa ruqsat bermedi. Jandy daýysta aıtylý jaǵy da tekserildi”, – dedi prodıýser.
Sondaı-aq óner ıesi qytaılyq tyńdarmanǵa raqmet aıtyp, yqylastaryna alǵys bildirdi.
“Tyńdarman qaýym bizdi kútip, tańǵy 4-ke deıin meıramhananyń aldynda otyrdy. Óte keremet qarsy aldy. Ne degen nıeti túzý adamdar dep tańǵalyp otyrmyn”, – dep jazdy Gúlzıra Úsenqyzy.
