Ózbekstan astanasy epıdemıologııalyq jaǵdaıdyń ýshyǵýyna baılanysty eki aptalyq karantınge jabylatyn boldy dep habarlaıdy "Adyrna" ulttyq portaly "QazAqparatqa" silteme jasap.
Mundaı sheshimdi koronavırýsqa qarsy is-qımyl jónindegi arnaıy respýblıkalyq komıssııa qabyldadǵan.
«28 maýsymnan bastap 12 shildege deıin Tashkentke kórshi oblystardan avtokólik quraldarymen (avtomobılder men avtobýstar) kirýge shekteý qoıylady. 28 maýsymnan bastap búkil el boıynsha barlyq oıyn-saýyq nysandary (meıramhanalar, túngi klýbtar, karaoke, bılıard jáne kompıýter zaldary, qoǵamdyq tamaqtaný oryndary-kafeler, ashanalar men shaıhanalar) keste boıynsha 8:00-den 20:00-ge deıin jumys isteıdi. Al osy mekemelerge kelýshiler sany jalpy kólemniń 50 paıyzynan aspaýy tıis», – delingen Ózbekstan Respýblıkasynyń Densaýlyq saqtaý mınıstrliginiń habarlamasynda.
Qazirgi tańda Ózbekstan aýrýhanalarda koronavırýs rastalǵan 3571 naýqas bar.
"Adyrna" ulttyq portaly.
