Álemdi áýrege salǵan koronavırýs indeti áli de toqtamady. Osy vırýstyń aldyn alý úshin ǵalymdar arnaıy vakına oılap taýyp jatqany da málim. Bul kúnde elimizdiń dárigerlerinen bastap, sheneýnikter, muǵalimder jappaı ekpe alýda. Áıtse de, ekpe alý máselesine qatysty óner adamdarynyń pikiri túrlishe eken.
31 arnanyń «Juldyzdar jarqyraıdy» baǵdarlamasynyń habarlaýynsha, kovıdke qarsy ekpe alýdan ánshi Toqtar Serikov túbegeıli bas tartýda. Tilshige bergen suhbatynda ol: «Birden aıtaıyn, bul ekpeni saldyrmaımyn. Ózime de, balalaryma da saldyrtpaımyn! Allanyń bergen jasyn jasaımyn. Ólsem, ólermin. Saldyrmaımyn!» -deıdi. Al osy suraqqa ánshi Ómirqul Aınııazov: «Bul vakına durys vakına bolsa, alý kerek dep oılaımyn. Salyp bastady ǵoı endi. Kóremiz, eger eshqandaı shaǵymdar bolmasa, halyq jaǵynan ondaı jaman nárseler tirkelmese, mindetti túrde alý kerek dep esepteımin»,-deıdi.
QR Eńbek sińirgen ártisi Uljan Aınaqulova ázirge ekpege qatysty syrttaı baqylaý pozıııasynda eken. «Jastar salǵyzsa, olarǵa báribir ǵoı. Olardyń organızmderi kótere beredi. Al biz 60-tan asqan ánshiler oılanamyz, jan-jaǵymyzǵa qaraımyz. Kópshilikpen birge kóremiz ǵoı. Biraq ázirge saldyrýǵa oıym joq»,-deıdi.
Tanymal reper Jan Ahmadıev bolsa, ekpe egýdi eń aldymen sheneýnikter men ánshilerden bastaý kerek degen pikirde. «Osyǵan deıin de ánshiler úlgi bolyp keldi ǵoı, «shetelge kósheıik», «vırýsqa senbeıik» degen sııaqty dúnıeni aıtyp kósh bastap berdi ǵoı. Bul joly da ekpe alýdy bastap bersin ánshiler»,-deıdi reper.
«Adyrna» ulttyq portaly.
Foto ashyq derekkózden alyndy.
