وزبەكستان استاناسى ەپيدەميولوگيالىق جاعدايدىڭ ۋشىعۋىنا بايلانىستى ەكى اپتالىق كارانتينگە جابىلاتىن بولدى دەپ حابارلايدى "ادىرنا" ۇلتتىق پورتالى "قازاقپاراتقا" سىلتەمە جاساپ.
مۇنداي شەشىمدى كوروناۆيرۋسقا قارسى ءىس-قيمىل جونىندەگى ارنايى رەسپۋبليكالىق كوميسسيا قابىلدادعان.
«28 ماۋسىمنان باستاپ 12 شىلدەگە دەيىن تاشكەنتكە كورشى وبلىستاردان اۆتوكولىك قۇرالدارىمەن (اۆتوموبيلدەر مەن اۆتوبۋستار) كىرۋگە شەكتەۋ قويىلادى. 28 ماۋسىمنان باستاپ بۇكىل ەل بويىنشا بارلىق ويىن-ساۋىق نىساندارى (مەيرامحانالار، تۇنگى كلۋبتار، كاراوكە، بيليارد جانە كومپيۋتەر زالدارى، قوعامدىق تاماقتانۋ ورىندارى-كافەلەر، اسحانالار مەن شايحانالار) كەستە بويىنشا 8:00-دەن 20:00-گە دەيىن جۇمىس ىستەيدى. ال وسى مەكەمەلەرگە كەلۋشىلەر سانى جالپى كولەمنىڭ 50 پايىزىنان اسپاۋى ءتيىس»، – دەلىنگەن وزبەكستان رەسپۋبليكاسىنىڭ دەنساۋلىق ساقتاۋ مينيسترلىگىنىڭ حابارلاماسىندا.
قازىرگى تاڭدا وزبەكستان اۋرۋحانالاردا كوروناۆيرۋس راستالعان 3571 ناۋقاس بار.
"ادىرنا" ۇلتتىق پورتالى.
