Sátpaev qalasynda "bes jasar qyzdy zorlady" dep aıyptalǵan kúdiktilerge qatysty sot úkimi shyqty, dep habarlaıdy «Adyrna» tilshisi Eýrazııa birinshi arnasyna silteme jasap.
Kámeletke tolmaǵan balaǵa jynystyq sıpattaǵy is-áreket jasaǵan pedofıl ómir boıyna bas bostandyǵynan aıyryldy. Al onyń áıeli 22 jylǵa kesildi. Qoǵamnyń narazylyǵyn týdyrǵan is jabyq jaǵdaıda ótti. Tergeý barysynda anyqtalǵandaı, 62 jastaǵy kúdikti alkogoldik ishimdik iship, podezde oınap júrgen qyzdy kúshpen úıine alyp kirgen. Sodan keıin, kórshisin shaqyryp balaǵa zorlyq-zombylyq jasaýǵa úgittepti. Al, azǵynnyń áıeli eki azamattyń aram pıǵylyn bile tura qyzǵa ýkol salyp, esinen tandyrǵany belgili boldy. Oqıǵa boıynsha aıyptalǵan taǵy bir kúdikti tergeý barysynda sýııdke barǵandyqtan, oǵan qatysty is toqtatylǵan. Osy áreketteri úshin sottalýshylarǵa eń aýyr jaza taǵaıyndaldy. Biraq, qylmyskerge hımııalyq kastraııa jasalmaıtyn boldy. Sebebi, júrgizilgen saraptama qorytyndysy ony qajet dep tappaǵan.
«Qaraǵandy oblysynyń qylmystyq ister jónindegi mamandandyrylǵan aýdanarlyq sotymen, alqa bılerdiń qatysýymen Satpaev qalasynda 5 jasar qyzǵa seksýaldyq sıpattaǵy zorlyq-zombylyq jáne zorlaý sonymen qatar onyń densaýlyǵyna aýyr zııan keltirý deregi boıynsha qylmystyq is qaralyp, ol boıynsha úkim shyǵaryldy. Qazirgi tańda Úkim zańdy kúshine engen joq»,– dedi oblystyq qylmystyq ister jónindegi mamandandyrylǵan aýdanaralyq sotynyń tóraǵasy Bekzat Shalǵymbaev.
Eske sala keteıik, sumdyq oqıǵa ótken jyly 23 shildede tirkelgen edi. Atalǵan qylmystan soń, ashýǵa erik bergen turǵyndar jappaı tártipsizdikke baryp, azǵyndy ózderi jazalamaq bolǵan.
«Adyrna» ulttyq portaly
