Almaty oblysynda bıyl mal azyǵynyń alqaptary ótken jylmen salystyrǵanda 7,1 myń gektarǵa artyp, 257,9 myń gektardy qurap otyr. Osy jyly mal azyǵynan 3,5 mln. tonna shóp, 1,3 mln. tonna shyryndy túrlerin, 684 myń tonna jem azyǵyn daıyndaý josparlanǵan.
Búgingi kúni kóp jyldyq jyldyq daqyldardyń alǵashqy shabýy, ıaǵnı birinshi shóp aıaqtalyp, 418,1 myń tonna shóp, sonyń ishinde 285,2 myń tonna jońyshqa daıyndaldy. Almaty oblystyq aýyl sharýashylyǵy basqarmasynyń málimetinshe, qazirgi kezde 771 myń tonna syıymdylyqtaǵy 265 qamba astyq qabyldaýǵa daıyn tur, sonyń ishinde 2-eýi – 58,6 myń tonnalyq lıenzııasy bar astyq qabyldaıtyn kásiporyn. Kúzdik daqyldardyń alańy ótken jylǵa qaraǵanda bıyl 2,5 myń gektarǵa ulǵaıtylyp, 105,9 myń ga qurap otyr. Bul daqyldy jınaý naýqany 10 shildede bastalady dep josparlanǵan. Kúzdik dándi daqyldardy jınaýǵa óńirde 1468 kombaın, 180 mehtok, 263 astyq tıegish, 203 dánatqy, 164 astyq tazalaǵysh mashına, 256 avtotarazy tartylatyn bolady.
