Jambyl oblysynda turǵyndar baspana alýǵa jyldap kezekte tursa, keı ákimder birden birneshe páterdi ıemdenip alǵan. Sarysý aýdanynyń basshysy bes qabatty úıdiń birinshi qabatyndaǵy barlyq páterlerdi qyzmettik baspana retinde paıdalanyp otyr eken. Oǵan qosa ǵımaratqa japsarlas soǵylǵan kóligin qoıatyn garaj da salyp alǵan. Turǵyndar «qarapaıym halyqqa bir páter arman bolǵanda, ákimniń han saraıyndaı baspanada turýy uıat tirlik» deıdi. Al aýdan basshysy eldiń bul pikirimen kelispeıdi. Bul týraly «Adyrna» ulttyq portaly «Eýrazııa» birinshi arnasyna silteme jasap habarlaıdy.
1 etajynan 4 kvartıra bar, 4 kvartıra óziniki. Ee elden bólek garaj soǵyp alǵan, Jańatasta osyndaı bireý-aq. Ol kimniń úıi? Aýdan ákiminiń úıi. Elder kvartıraǵa jete almaı júr, bizdiń ákimniń 4 kvartırasy bar.
Turǵyndardyń shamyna tıip otyrǵan osy úı. Aıtýlarynsha, ákim birinshi qabattaǵy 4 páterdi biriktirip alǵan. Shyǵatyn esigi de bólek. Úı artynan soǵylǵan qosymsha qurylys ishine qyzmettik kóligin qoıyp, sol jerden úıine kiredi eken.
Kimdi kóresizder? Ákimdi kóremiz. Ne isteıdi ákim? Úıi ǵoı endi. Turatyn úıi me? Iá, rezıdenııa ma?
Qyzmettik páterdiń jalpy aýmaǵy 130 sharshy metrdi quraıdy eken. Ákim bul baspanany aýdannyń burynǵy basshylary osylaı etip jasaǵanyn aıtady. Marat Sultanǵalıev bul qyzmetke osydan eki aı buryn taǵaıyndalǵan. Onyń basqa turatyn páteri joq, al qazirgisin memleketke ótkizip, jańasyn turǵyzýǵa qarajat qımaı otyrmyz dep aqtaldy.
«4 bólme qalǵany ashana, dálizder ǵoı. Maǵan deıingi sheshilgen basshylardyń jobasy. Biraq men muny durys sheshilgen joba dep oılaımyn. Óıtkeni ózińiz bilesiz jer bólip, kommýnıkaııasy bar, káriz júıesi bar, jylýy bar kútip ustaý úkimetke, memleketke tıimsiz», - deıdi Sarysý aýdanynyń ákimi Marat Sultanǵalıev.
Osylaısha, ákim bul qyzmettik páterdi ary qaraı da paıdanala bermekshi. Al halyqtyń baspanaǵa muqtajdyǵyn kezeń-kezeńimen sheshetinin aıtady. Qazirgi tańda Sarysý aýdany boıynsha úı alýǵa barlyǵy 1 724 adam kezek kútip otyr.
"Adyrna" ulttyq portaly
