Bılik ultshyldyq uǵymynan shoshymaý kerek - Qazybek Isa

1570
Adyrna.kz Telegram

Buryn habarlaǵanymyzdaı, QR Parlamenti Májilisiniń Áleýmettik-mádenı komıteti jaqynda ótkizgen «Ulttyń jańa beınesin qalyptastyrýdaǵy shyǵarmashylyq odaqtar men qoǵamdyq uıymdardyń róli» atty alqaly basqosýda jasaǵan baıandamasynda “Aq jol” frakııasy múshesi, depýtat Qazybek Isa osylaı dep, ulttyq ıdeologııa máselesin sóz etti.

Bul týraly «Qazaq úni» aqparat agenttigi habarlaıdy.

- Ulttyń jańa bolmysy Ultshyldyq negizde qalyptasýy kerek. Memleket basshysy atap aıtyp, sanap kórsetken ulttyń jańa bolmysyna qajetti qasıetterdiń báriniń negizi Ultshyldyqqa kelip tireledi. Óıtkeni, keshe keńes ımperııasy kezinde 70 jyl ultshyldyqpen kúresý qazir Táýelsizdiktiń 30 jylynda da toqtaǵan joq. Kórnekti jazýshy Ǵabıden Mustafınniń “Buryn biz ultshyldyqpen kúrestik, endi ultsyzdyqpen kúreseıik”-degen áıgili sózi qazir óte ózekti bolyp tur.

Ultshyldyq degen uǵymnan bizdiń bılik ádettegideı shoshyp ketpeý úshin túsindire keteıik. Ultshyldyq degenimiz - Memleketshildik, elshildik, patrıottyq! - dedi depýtat.

Ol, sonymen qatar, elde ulttyq ıdeologııanyń joqtyǵyn da aıtty.

- Reseıde memlekettik tildi qorǵaǵandar «patrıottyq» dep baǵalanyp, maqtalady. Al Qazaqstanda memlekettik tildi qorǵaǵandar – nashar maǵynasyndaǵy «ultshyldyq» (naıst) dep aıyptalyp, dattalady!

Bul bizde áli tolyqqandy ulttyq ıdeologııanyń joqtyǵyn bildiredi,- dedi Qazybek Isa.

Pikirler