Belgılengen trassalardan tys jerde syrǧanau reseilık turist ömırıne qauıp töndıre jazdady. Tün ortasyna qarai Shymbulak kurortynyŋ qyzmetkerlerıne bır qyz jügındı. Onyŋ aituynşa, «Professor» trassasynda syrǧanap jürgen kezde serıgı özen jaqqa kenet būrylyp ketıp, közden ǧaiyp bolǧan.
Kurorttyŋ kezekşı qyzmetkerı Mahambet Abdullaev būl aqparatty bırden Jedel basqaru ortalyǧyna jetkızdı. Izdestıru jūmystaryna jedel türde kurorttyŋ qauıpsızdık qyzmetı men qūtqaruşylary jūmyldyryldy.
«Qyz qatty uaiymdap tūrdy. Men onyŋ janynda qalyp, basqaru ortalyǧymen bailanysta boldym. Al sol uaqytta kurorttyŋ qūtqaruşylary men qauıpsızdık qyzmetınıŋ auysym basşysy oqiǧa ornynda ızdestıru jūmystaryn jürgızıp jatty», — deidı Mahambet Abdullaev.
Izdeu jūmystary tüŋgı uaqytta jürgızılgendıkten jäne jer bederınıŋ kürdelılıgı qūtqaruşylardyŋ jūmysyn odan ärı qiyndatty. Bırneşe minuttan keiın er adam kurort aumaǧynan tys jerden tabyldy.
Ony qūtqaruǧa qosymşa küş qajet boldy. Sondyqtan operasiiaǧa Almaty qalasynyŋ Qūtqaru qyzmetınıŋ mamandary da tartyldy. Sondai-aq oqiǧa ornyna TJD qyzmetkerlerı, ört söndıruşıler jäne Apattar medisinasy ortalyǧynyŋ mamany keldı.
Qūtqaru qyzmetterınıŋ bırlesken jūmysynyŋ arqasynda er adam qauıpsız jerge şyǧarylyp, kurorttyŋ bazalyq stansiiasyna jetkızıldı. Därıgerler turistı teksergende eşqandai jaraqat anyqtalǧan joq. Ol emhanaǧa barudan bas tartty.
«Qūtqaruşylarǧa alǧys aitqym keledı. Olar menı tauyp, şyǧuǧa kömektestı jäne qoldau körsettı. Men öte rizamyn. Shymbulak — keremet kurort, mūnda taǧy da kelemın», — dedı turist.
Shymbulak qūtqaruşylary eske salady: daiyndalǧan trassalardan tys jerde syrǧanau, äsırese tüngı uaqytta, qauıptı boluy mümkın. Kurort qyzmetkerlerı ärqaşan kömek körsetuge daiyn, degenmen eŋ qauıpsız baǧyt — belgılengen trassalar.
Biylǧy qysqy mausym bastalǧaly berı būl kurorttaǧy üşınşı qūtqaru operasiiasy. Olardyŋ barlyǧy sättı aiaqtaldy.
