№83 mekteptiń 5 synyp oqýshylaryna qazaqtyń ulttyq qolóneri týraly sabaq ótkizildi. Sabaqty uıymdastyrýshy Gúljanat Ahmetqalıeva oqýshylarǵa qolóner jaıynda túrli maǵlumat berip, sheberliktiń qyr-syrymen tanystyrdy.
Qazaqtyń ulttyq qolóneri halqymyzdyń ata – babadan urpaqqa jetken sheberligi, ustalyǵy, ismerligi. Qazaq qolóneriniń túri, sapasy, órnegi, boıaýynyń ómirge kelýi kóshpeli ómirmen tyǵyz baılanysty. Sheberdiń qolynan shyqqan buıymdar kúndelikti tirshilikpen qatar sol zamannyń ortaq qolóner mádenıetiniń baǵa jetpes úlgisi. «Sheberdiń qoly ortaq» degen maqal el ishinde beker aıtylmasa kerek. Naǵyz sheberlikke jetý úshin tabandylyq, iskerlik, talǵampazdyq, bilim qajet.
Shyǵarmashylyq izdenis ústindegi halyq sheberleri turmysqa qajetti qolónerdiń alýan túrlerin oılap tapty. Óz urpaǵynyń “segiz qyrly, bir syrly”ónegeli, ónerli bolyp ósýin maqsat etken ata-anamyz, óz boıyndaǵy bar asyl qasıetterin urpaqtan-urpaqqa úıretip kelgen.
Sabaq barysynda oqýshylar Etnografııa zalyndaǵy ulttyq qolóner buıymdaryn kórip, olarmen jete tanysty. Sharany Mýzeı pedagogıkasy jáne balalar shyǵarmashylyǵy bólimi uıymdastyrdy.
QR Ulttyq mýzeıi
