Almaty qalasynyń bas memlekettik sanıtarlyq dárigeri Jandarbek Bekshın sýburqaqtar koronavırýstyń taralý orny bolýy múmkin ekendigin aıtty, dep habarlaıdy "Adyrna" ulttyq portaly.
Saıabaqtarǵa, adamdar kóp jınalatyn oryndarǵa, bazarlarǵa kire beriste maska baqylaýy kúsheıtiledi. Bul oryndarǵa tek maskalarmen kirýge ruqsat etiledi. Saıabaqtarda sanıtarlyq patrýlder ornatylyp, baqylaý toptarynyń jumysy da jandandyrylady.
Bekshınniń aıtýynsha, sýburqaqtar tek koronavırýsty ǵana emes, basqa da aýrýlardy juqtyrady. Ol kóp jyldar buryn sýburqaqtarǵa shomylýdyń kesirinen qalada parazıttik aýrýlardyń órshýi tirkelgen jaǵdaıdy eske túsirdi.
"Sýburqaqtarǵa shomylý tek sýburqaqtarǵa ǵana emes, sonymen birge sýǵa shomylǵandardyń da densaýlyǵyna zııan tıgizýi múmkin. Ásirese býly sýburqaqtar qaýipti. Pandemııa kezinde olardyń jumysy ýaqytsha toqtatylady", dedi Bekshın.
Bas dáriger «Jasyl ekonomıka» keńsesi sýburqaqtarǵa shomylýǵa tyıym salý týraly eskertetin belgiler ornatatynyn aıtty. Sýburqaqtar dezınfekııalaý quraldarymen dezınfekııalanatyn bolady. Almatydaǵy sýburqaqtar jumysy sanıtarlyq dárigerlerdiń de, jergilikti atqarýshy organdardyń baqylaýynda.
Jaqynda Dostyq-Qurmanǵazy qıylysynda paıda bolǵan býly sýburqaq atap ótildi. Kóptegen adamdardyń jınalýyna baılanysty ol sýburqaq ıesiniń sheshimimen jabyldy.
"Adyrna" ulttyq portaly
