Küieuımen ajyrasqan kelın qaiyn atasyna tūrmysqa şyqty

AQŞ-tyŋ Kentukki ştatynyŋ Harrodsberg qalasynda tūratyn äiel küieuımen ajyrasyp, qaiyn atasyna tūrmysqa şyqqan, dep habarlaidy "Adyrna" ūlttyq portaly Nege.kz saityna sılteme jasap.  Erika Kviggl (Erica Quiggle) qūrbysynyŋ aǧasy Djastinge 19 jasynda tiıptı. Küieuınıŋ jasy ol kezde 27-de bolǧan eken. Ekı jyldan soŋ ūl bosanady. Bıraq köp ūzamai jas jūbailardyŋ qarym-qatynasyna syzat tüse bastaidy. Djastin üiden şyqpaityn, azdy qanaǧat tūtatyn būiyǧy adam eken. Erika bolsa, saiahat jasaǧandy, türlı ıs-şaralarǧa qatysqandy, bır sözben aitqanda üide otyrmaǧandy ūnatady. Bır künı qaiyn atasy Djeff avtokölık şouyn ūiymdastyrady. Kelını būl şaraǧa qatysuǧa pin-ap ülgısındegı kiımmen kelgen. Sol jerde kelın men qaiyn ata ortaq müddelerı bar ekenın ūǧyp, jaqyn aralasa bastaidy. Erika qaiyn atasyna nekedegı qiynşylyqtary turaly syryn bölısedı. Arada bıraz uaqyt ötken soŋ äiel küieuımen ajyrasyp, ata-anasynyŋ üiıne ketedı. Bıraq köp ūzamai qaiyn atasyna sezımı oianǧanyn tüsınedı. Baiqap körse, Djeff te ket ärı emes körınedı. Būrynǧy küieuıne män-jaidy aitqanda, ol eş qarsylyq bıldırmeptı. Küieuımen ajyrasudy resmi türde räsımdeitın qūjat-qaǧazdar daiyn bolǧanda, būrynǧy qaiyn ata men kelın bırge tūryp ülgerıptı. Olar endı otbasyn zaŋdastyryp, qyzdy bolady. Bas qosqan kezde Erikanyŋ jasy 29-da, al Djeff-tıŋ jasy 58-de bolǧan.

«Būrynǧy küieuımmen de aralasyp tūramyn. Onymen ajyrasuǧa bel buǧan soŋ ǧana, men äkesımen jüre bastadym. Bıraq nekenıŋ būzyluyna būl sebep bolǧan joq. Djeffpen jasymyzdyŋ aiyrmaşylyǧy mahabbatymyzǧa eş kedergı bola almaidy», – deidı Erika.

Aita ketetın jait, Angliiada qaiyn ene men küieu balanyŋ, qaiyn ata men kelınnıŋ nekege tūruyna tyiym salynǧan. 2005 jyly Strasburgte ornalasqan Europanyŋ Adam qūqyqtary jönındegı soty mūny «adam qūqyqtaryn būzady» dep tapqan. Sotqa nekenı tırkeuden bas tartqany üşın 40 jastaǧy kelınımen şaŋyraq kötermek bolǧan 60 jasar qaiyn ata şaǧym tüsırgen eken.

"Adyrna" ūlttyq portaly