AQSh-tyń Kentýkkı shtatynyń Harrodsberg qalasynda turatyn áıel kúıeýimen ajyrasyp, qaıyn atasyna turmysqa shyqqan, dep habarlaıdy "Adyrna" ulttyq portaly Nege.kz saıtyna silteme jasap.
Erıka Kvıggl (Erica Quiggle) qurbysynyń aǵasy Djastınge 19 jasynda tıipti. Kúıeýiniń jasy ol kezde 27-de bolǵan eken. Eki jyldan soń ul bosanady. Biraq kóp uzamaı jas jubaılardyń qarym-qatynasyna syzat túse bastaıdy. Djastın úıden shyqpaıtyn, azdy qanaǵat tutatyn buıyǵy adam eken. Erıka bolsa, saıahat jasaǵandy, túrli is-sharalarǵa qatysqandy, bir sózben aıtqanda úıde otyrmaǵandy unatady.
Bir kúni qaıyn atasy Djeff avtokólik shoýyn uıymdastyrady. Kelini bul sharaǵa qatysýǵa pın-ap úlgisindegi kıimmen kelgen. Sol jerde kelin men qaıyn ata ortaq múddeleri bar ekenin uǵyp, jaqyn aralasa bastaıdy.
Erıka qaıyn atasyna nekedegi qıynshylyqtary týraly syryn bólisedi. Arada biraz ýaqyt ótken soń áıel kúıeýimen ajyrasyp, ata-anasynyń úıine ketedi. Biraq kóp uzamaı qaıyn atasyna sezimi oıanǵanyn túsinedi.
Baıqap kórse, Djeff te ket ári emes kórinedi. Burynǵy kúıeýine mán-jaıdy aıtqanda, ol esh qarsylyq bildirmepti. Kúıeýimen ajyrasýdy resmı túrde rásimdeıtin qujat-qaǵazdar daıyn bolǵanda, burynǵy qaıyn ata men kelin birge turyp úlgeripti.
Olar endi otbasyn zańdastyryp, qyzdy bolady. Bas qosqan kezde Erıkanyń jasy 29-da, al Djeff-tiń jasy 58-de bolǵan.
«Burynǵy kúıeýimmen de aralasyp turamyn. Onymen ajyrasýǵa bel býǵan soń ǵana, men ákesimen júre bastadym. Biraq nekeniń buzylýyna bul sebep bolǵan joq. Djeffpen jasymyzdyń aıyrmashylyǵy mahabbatymyzǵa esh kedergi bola almaıdy», – deıdi Erıka.
Aıta ketetin jaıt, Anglııada qaıyn ene men kúıeý balanyń, qaıyn ata men kelinniń nekege turýyna tyıym salynǵan. 2005 jyly Strasbýrgte ornalasqan Eýropanyń Adam quqyqtary jónindegi soty muny «adam quqyqtaryn buzady» dep tapqan. Sotqa nekeni tirkeýden bas tartqany úshin 40 jastaǵy kelinimen shańyraq kótermek bolǵan 60 jasar qaıyn ata shaǵym túsirgen eken.
"Adyrna" ulttyq portaly
