Mańǵystaý oblysynda shynashaqtaı sábıdi qınap massaj jasaǵan áıelge qatysty tekserý bastaldy. Býyny qatpaǵan balany julqyǵan maman qazir jumysyn ýaqytsha toqtatqan. Al jurttyń ashýyn týǵyzǵan massaj jasaýshyǵa sábıdiń ata-anasy dán rıza, dep habarlaıdy «Adyrna» ulttyq portaly KTK arnasyna silteme jasap.
«Massaj jasaǵan apaǵa rahmet aıtamyn. Oǵan qoıar aryz-talabym joq. Úshinshi kýrsyn aıaqtadyq. Dárigerler keshe tekserip ketti», - deıdi anasy.
Beıneý aýdanynda bolǵan oqıǵa áleýmettik jelide kópshilik narazylyǵyn týdyrdy. Arnaıy medıınalyq halaty, ne betperdesi joq áıel toǵyz aılyq sábıdiń ishin basyp, aıaq qolyn jan-jaqqa tartyp massaj jasaýda. Tipti, jan daýysy shyqqan sábıdiń shyrqyrap jylaǵanyna da mán berer emes. Balanyń moınynan ustap, bir-eki ret silkilep te alady. Al sábıdiń anasy massaj jasaýshyǵa «esh kiná artpaımyn» dep otyr. Sebebi bala nevrologııalyq aýrýǵa shaldyqqan, sol úshin arnaıy massaj kýrsyn qabyldaýy qajet.
"Adyrna" ulttyq portaly
(foto azattyq-ruhy saıtynan)
