Aqtóbede avtokólik urlaǵan kimder?

879

Aqtóbede "VAZ 2114" avtokóligin urlap, aıdap ketken, bir-birine týys eki kúdikti ustaldy dep habarlaıdy "Adyrna" ulttyq portalynyń tilshisi.

Sońǵy aılarda Aqtóbe qalasynda reseılik avtokólikterdi urlaý oqıǵalary jıilep ketti. Máselen, 13 mamyrda 8 naýryz kóshesindegi úıdiń aýlasynan reseı esebindegi "VAZ 2115" markaly avtokólik urlandy. Eki kúnnen keıin Qonaev kóshesindegi úıdiń aýlasynan 49 jastaǵy aqtóbelikke tıesili reseılik nómirli "VAZ 2114" markaly avtokóligin aıdap ketken.

Osy oqıǵadan keıin atalǵan qylmystardy ashý úshin arnaıy top quryldy. Olar 27 mamyrda kezekti "VAZ 2114" avtokóligin aıdap áketkennen keıin jaldamaly páterde birge turatyn, bir-birine týystyǵy bar 26 jastaǵy eki kúdiktini ustady.

Aldyn ala tergeý barysynda olardyń birinshi urlaǵan avtokóligin Qurmysh aýdanynan tapty, al ekinshisin bólshektep satýǵa tapsyrǵan, al úshinshi avtokóligin urlaýǵa áreket jasaǵan kezde polıııa qyzmetkerleri olardy ustap aldy.

Qazirgi ýaqytta joǵaryda atalǵan azamattardyń Aqtóbe qalasynda osyndaı urlyqtardy jasaýǵa qatystylyǵy tekserilýde. QR QK 188-baby 3-bóligi "Urlyq" boıynsha sotqa deıingi tergeý júrgizilýde.

"Adyrna" ulttyq portaly.

Pikirler
Uqsas jańalyqtar