Mıtıngini eki aýyz sózben taratqan basshy áıel

3675
Adyrna.kz Telegram

Sardana Avksenteva — eki jarym jyl buryn Iakýtsk qalasynyń meri bolyp saılanǵan. Ol — Gýbernator qoldaǵan "Edınaıa Rossııa" partııasynyń múshesin saılaýdan jeńip shyqty. Ózi eshqandaı partııada joq adam.
Ornyna otyra salyp ákimshiliktegi qyzymettik qymbat kólikterdi satyp, aqshasyn qalanyń qazynasyna quıdy. Ákimshilik qyzmetkerlerin taksıge otyrǵyzdy.

Saha halqynyń kóptomdyq sózdigin shyǵardy. Ol Saha rýhanııaty úshin buryn-sońdy bolmaǵan jańalyq boldy. Qazaq, Túrik, Ázerbaıjan ǵalymdary oǵan qoldaý bildirdi.
Sapasyz jumystar jasaǵan kompanıalarmen kelisimshartty buzdy, shyǵyndy qaıtartty.
Kábınetine — Naýryz meıramyn toılap jatqan Saha halqynyń sýretin ilgizdi. Bir jýrnalıstiń: — Sizdiń kábınetińizde nege Pýtınniń sýreti joq, onyń ornyna myna halyqtyń sýreti ilinip tur?— degen suraǵyna; — Maǵan jumysty kim berip otyrǵanyn únemi esimde ustaý úshin,— dep jaýap berdi.
Konstıtýııaǵa túzetýler engizýge jalǵyz qarsy shyqqan adam boldy.
800 deı kóp qabatty úıdi qaıta jóndeýge kirgizdi.
4000 otbasyny jańa baspanamen qýantty.
Ózin qonaq qylý úshin 1 mln rýblge dastarhan jaıǵan sheneýnikti jumystan bosatty.
Halyqtan túsken aryz-shaǵymdardy birin qaldyrmaı oqyp, ınstagram paraqshasyna salyp otyrdy. Osyǵan oraı basqa qyzmetkerler de jumys jasaıtyn boldy.
BAQ- na ketetin shyǵyndy 65 mln nan 32 mln ǵa azaıtty.
Ákimshilik qyzmetkerlerin eki esege qysqartty.
Bir jyl buryn Qyrǵyz azamaty jergiligti jerde bir qyzdy zorlap, on myńǵa tarta adam mıgranttarǵa qarsy mıtıngke shyǵady. Ashýly toptyń aldyna shyǵyp: Bir qylmys úshin bir adam kináli me, joq, tutas ult kináli bolama. Iakýtııada osyǵan deıin 292 áıelge zorlyq kórsetilipti, sonyń úsheýin ǵana shet el azamaty jasaǵan. Bul úsheýi qatań jazasyn aldy.Al, ózimizdi qaıtemiz, ózimizdiń tárbıemizdi ne isteımiz, ózimiz aıamasaq, ózimizdiń ápke—qaryndastarymyzǵa qamqor bolmasaq, bizge kimniń jany ashıdy? — dep ashýǵa býlyqqan toptyń arynyn basyp, bir jaǵynan mıgranttardy da qorǵap qaldy.

Bos ýaqytynda halyqtyń turmysyn tekserip, qala aralady.
Qalada on jyldan beri qordalanyp, aldyńǵy basshylary sheshe almaǵan máselelerdi eki jarym jylda sheshti.

Álibek EREJEP,

táýelsiz blogger 

Pikirler