Túrkistan oblysynda qutqarýshylar taýda joǵalǵan týrısterdiń birine tıesili sómkeni tapty. Sómke Ógem ózeniniń boıynan tabyldy, dep habarlaıdy tótenshe jaǵdaılar mınıstrliginiń baspasóz qyzmeti.
Qutqarýshylar sómkeni polıııa qyzmetkerlerine tapsyrdy. Joǵalǵan eki týrısti izdeý jumystary jalǵasyp jatyr.
Vedomstvo aqparatynsha, aımaqqa "Qazavıaqutqarýdyń" eki tikushaǵymen aerovızýaldy barlaý jasalýda.
Izdeý jumystaryna Túrkistan oblysy TJ departamentinen, polıııa departamentinen, UQK Shekara qyzmetinen, Orman sharýashylyǵynan, Ózbekstan TJM jeke quramynan 73 maman, 12 birlik tehnıka jáne joǵalǵan týrısterdiń týystary jumyldyryldy. Izdeý jumystary segiz baǵyt boıynsha júrgizilip jatyr.
Eske salsaq, 25 mamyrda keshke Saıram-Ógem memlekettik ulttyq tabıǵı parki aýmaǵynda jeti týrıstiń joǵalyp ketkeni týraly habar tústi.
Anyqtalǵandaı, jigitterdiń biri aýyryp qalǵandyqtan, olar eki topqa bólingen. Úsheýi kómek kútip qalǵan, al tórteýi qutqarýshylardy shaqyrýǵa ketken.
28 mamyrda birinshi top aman-esen otbasymen qaýyshty. 29 mamyrda eki týrıstiń máıiti tabyldy. Qalǵan eki jigit áli izdestirilýde.
Taýǵa shyqqan týrıster – Nazarbaev ýnıversıtetiniń stýdentteri, bireýi – mektep túlegi. Top 21 mamyrda "Sary-Aıǵyr" shatqalyna attanyp, 24 mamyrda úıge oralýdy josparlaǵan.
