Shartty túrde bostandyqta júrgen qandyqol qylmysker úsh áıeldi zorlap, óltirip tastaǵan. Bul týraly «Nemolchı.kz» qozǵalysynyń basshysy Dına Tańsári jazdy, dep habarlaıdy «Adyrna» ulttyq portaly Stan.kz aqparat agenttigine silteme jasap.
Dına Tańsári quziretti organdardyń mundaı qylmyskerdi bostandyqqa jiberýin qatelik dep sanaıtynyn aıtty.
«Rýstam Kıknadze 1980 jyly ómirge kelgen, Jambyl oblysynyń týmasy. Ol 2004 jyly Jambyl oblystyq sotynyń sheshimimen bas bostandyǵynan aıyrylǵan. Sot ony qylmystyq kodekstiń 96 baby 2-tarmaǵy boıynsha 16 jylǵa sottaǵan», – dep jazdy ol.
Oǵan qosa, Kıknadze zorlaý baby boıynsha da aıyptalǵan. Biraq bul bap boıynsha ol aqtalyp, jazasyn óteý merzimi 14 jylǵa deıin qysqardy.
«Jambyl oblysy Baızaq aýdandyq sotynyń 2013 jylǵy 18 shildedegi qaýlysymen Qazaqstan Respýblıkasynyń Qylmystyq kodeksiniń 70-babyna sáıkes Kıknadze 2013 jyldyń 15 tamyzynda shartty túrde merziminen buryn bosatylǵan. Ol áıeldi qatigezdikpen óltirip, denesin órtep jibergeni úshin jazasyn ótep, shartty túrde bosap shyqqanan keıin, erebraldy sal aýrýy bar qyzdy zorlap, dosyn da qyzdy zorlaýǵa májbúrlegen. Oǵan qosa, Kıknadze qorǵansyz qyzdy soqqynyń astyna alady», – deıdi Tańsári.
«Qaraǵandy oblysy Sátbaev qalalyq sotynyń 2014 jylǵy 9 sáýirdegi úkimimen Kıknadzege Qazaqstan Respýblıkasy Qylmystyq Kodeksiniń 120-bóligi 2-bóliginiń «b» tarmaǵymen 7 jyl 6 aıǵa bas bostandyǵynan aıyrý jazasy taǵaıyndaldy, jıyntyq úkimder boıynsha ótelmegen merzim ishinara qosyldy, aqyr sońynda jazany óteý úshin arnaıy rejımdegi túzeý kolonııasynda 8 jylǵa bas bostandyǵynan aıyrý jazasy taǵaıyndaldy. Artynsha 2020 jyly Qaraǵandy oblysy Abaı aýdanynyń sot buıryǵymen shartty túrde merziminen buryn bosatylǵan. Shartty túrde bosap shyqqan qandyqol qylmysker, bostandyqqa shyqqanan keıin taǵy da birneshe qylmystar jasaǵan», – deıdi Dına Tańsári.
Kıknadze 2020 jyldyń 22 qazanynda taǵy bir áıelge shabýyldap, zorlyq-zombylyq kórsetip, onyń ámııany men aqshasyn tartyp alǵan. Al 27 qazanda Lıýdmılanyń jıenin zorlap, óltirip tastaǵan. Kelinshek ádildik izdep «Nemolchı.kz» qoryna júginedi.
«Bul áreketterge polıııanyń nemquraıly qaraǵany sonshalyq, eger Lıýdmıla dabyl qaǵyp, qylmyskerdi jazalaýǵa tyryspasa, baspasózde aqparat taramasa, bizdiń qor atsalyspasa, bul qylmys týraly eshkim de bilmes edi. Biz Natalıanyń isine qatysty eshqandaı áreket bolmaǵanyna tań qaldyq. Marqumnyń týystarynyń aıtýy boıynsha, birinshi moıyndaý aıǵaqtarynda Kıknadze óziniń sybaılasy bolǵanyn, ol Natalıanyń súıiktisi bolǵanyn jáne ol kisi óltirgennen keıin eden jýyp, qylmystyń izderin jasyrýǵa tyrysqanyn, sodan keıin barlyq kináni óz moınyna alǵanyn kórsetken. Biraq qyzdyń týystary qylmysqa qatysy bar eki adam da jazasyz qalady dep qorqyp, bizge júgindi. Biz dereý Jambyl oblysynyń polıııasyna júgindik jáne Lıýdmılaǵa habarlamasyn jetkizdik», – deıdi Dına Tańsári.
4 qarasha kúni qyz óziniń jeke páterinde óli kúıinde tabylǵan. Kórshileri dálizden óliktiń ısi shyǵa bastaǵanda tótenshe jaǵdaılar qyzmetin shaqyryp, esikti buzdyrǵan.
«Úıdiń ishinde qyzdiń denesi jalańash kúıinde jatqan. Tipti ish kıimderi sheshilgen bolyp shyqty. Tintý jumystary kezinde páterdiń kilti bolmaǵan, qyzdy bireý syrtynan jaýyp ketkeni anyqtaldy. Oǵan qosa páterdegi tósek jabdyqtary da bolmaı shyqty. Soǵan qaraǵanda qylmysker qyzdy zorlap, artynsha óltirgenin jasyrmaq bolǵan. Jáne páterden Natalıanyń uıaly telefony da tabylmady. Polıııa bastapqyda qyz ózi qatty iship, maskúnemdikke salyný nátıjesinde kóz jumǵan degen boljam jasaǵan. Birden oqıǵany adam óltirý jaǵdaıy retinde tirkemegen. Nátıjesinde Natalıadan keıin taǵy da eki áıel dál osy qandyqol qylmyskerdiń qolynan kóz jumdy», – dep túsindirdi Dına Tańsári.
Kıknadze 29 qazan kúni keshke ol er adamdy tonap ketedi. 16 qarashada 77 jastaǵy zeınetkerdiń kózinshe 1978 jyly týǵan áıeldi zorlap, sodan keıin ekeýin de óltirgen.
Qazaqstan Respýblıkasynyń prokýrory men aýyr qylmys isteri jónindegi soty Kıknadzeni ómir boıyna bas bostandyǵynan aıyrýdy surady, biraq sot 25 jylǵa bas bostandyǵynan aıyrýǵa sheshim shyǵardy. Ótelmegen ýaqyty úshin taǵy bir jyl berdi. Alaıda Dına Tańsári mundaı sheshimmen kelispeıtinin aıtty.
«Kıknadze ómirbaqıǵa bas bostandyǵynan aıyrylýy kerek. Qazaqstanda áıelder men qyzdardyń ómiri túkke turǵysyz, bizdiń elde zorlaýshylar parlamentke baryp, balalardyń quqyqtary týraly zań qabyldaıdy. Bizdiń polıııa qyzmetkerin óltirgeni úshin ómir boıyna bas bostandyǵynan aıyrady da, áıel adamdarǵa mundaı qorlyq kórsetkenderdi merziminen buryn bosatady. Bul áıelderge qatysty genderlik dıskrımınaııa, biz úkimmen kelispeımiz jáne shartty túrde merziminen buryn bosatý quqyǵynsyz ómir baqıǵa bas bostandyǵynan aıyrýdy suraımyz», – deıdi Dına Tańsári.
"Adyrna" ulttyq portaly
