İran bilıgınıŋ qataŋ küş qoldanuyna jäne internettıŋ būǧattaluyna qaramastan, Tegeran men eldıŋ basqa da ırı qalalarynda jappai narazylyq aksiialary öttı, dep habarlaidy "Adyrna" ūlttyq portaly.
Reuters mälımetınşe, qaza tapqandar sany kemınde 60 adamǧa jetken.
Tegeran qalasynyŋ merı Zakanidıŋ aituynşa, 9 qaŋtarǧa qaraǧan tünı ötken narazylyqtar kezınde 50-den astam bank pen bırneşe memlekettık mekeme örtelgen. Sondai-aq, ört saldarynan 30-dan asa meşıt joiylǧan.
İrandaǧy Adam qūqyqtary ortalyǧynyŋ habarlauynşa, Tegeran, Meşhed jäne Karadj qalalaryndaǧy auruhanalar jaralanǧan narazylyqqa qatysuşylarǧa toly. Al qūqyq qorǧau agenttıgınıŋ deregınşe, qaqtyǧystar kezınde kemınde 62 adam qaza tapqan. Olardyŋ 14-ı qauıpsızdık küşterınıŋ qyzmetkerlerı, 48-ı – narazylyq bıldıruşıler. Sonymen qatar, 2300-ge juyq adam ūstalǧan.
İrannyŋ ruhani köşbasşysy aiatolla Äli Hamenei jappai narazylyqtardy qataŋ synǧa aldy. Ol aksiiaǧa şyqqandardy «arandatuşylar» dep atap, olardyŋ elge ziian keltırıp jatqanyn aitty.
