Ózbekstannyń Tótenshe jaǵdaılar mınıstrliginiń qutqarýshylary Túrkistan oblysynyń taýlarynda joǵalyp ketken týrısterdi izdeýge jumyldyryldy, dep habarlaıdy "Adyrna" ulttyq portaly.
"Taýlarda joǵalyp ketken týrısterdi izdeýge Ózbekstan Tótenshe jaǵdaılar mınıstrliginiń qutqarýshylary jumyldyryldy. Olar Ýgam ózeniniń boıymen, Charvak sý qoımasyna quıatyn jerge deıingi shekarany Ózbekstannan tekserip jatyr", - dedi Tótenshe jaǵdaılar mınıstrliginiń resmı ókili Talǵat Ýálı.
Saıram-Ógem shatqalynda joǵalyp ketken eki týrıstti izdeý jumystary jalǵasýda. Olar taýly jerlermen jáne qatty ózen aǵyndarymen kúrdelengen joldardy júrip ótken.
Osy ýaqytqa deıin izdeý jumystary 350 shaqyrymnan asatyn taý shatqaldarynda júrgizilgen. Ushqyshsyz ushý apparattarynyń kómegimen 170 shaqyrymǵa jýyq aýmaq zertteldi.
Aerovızýaldy izdestirýdi uzyndyǵy 2 myń shaqyrymnan asatyn «Qazavıaspas» AQ tikushaqtary jasady.
Izdestirý-qutqarý jumystaryna 218 adam, 32 tehnıka, TJM, Túrkistan oblysynyń PD, jergilikti atqarýshy organdar, UQK Shekara qyzmeti, Ulttyq ulan Ishki ister mınıstrligi, Ulttyq saıabaq, Alpınızm federaııasy, TJM «Qazavıaspas» AQ 2 tikushaǵy jáne týystary at salysýda.
"Adyrna" ulttyq portaly
