Shyǵys Qazaqstan oblysy Aıagóz qalasynyń ákimi iri kólemde para alǵany úshin 4,5 jylǵa bas bostandyǵynan aıyryldy, dep habarlaıdy «Adyrna» ulttyq portaly.
Kúdikti Aıagóz qalasynyń ákimi bolyp jumys istep júrgen kezde 2020 jyldyń 16 jáne 17 qyrkúıeginde eki kezeńde «Kórkem» JK-nen 1,2 mıllıon teńge kóleminde para alǵan. Bul týraly Aıagóz aýdandyq soty Facebook paraqshasynda jazdy.
Ákim qarajatty alǵannan keıin óziniń jumys bólmesinde ustaldy.
Qylmystyq isti Aıagóz aýdandyq soty Qylmystyq kodekstiń 366-babynyń ekinshi bóligi boıynsha qarady.
Prokýror kúdiktini 5 jylǵa bas bostandyǵynan aıyrýdy surady. Biraq ákim óz kinásin moıyndamaı, bul qarajat nesıege alynǵanyn túsindirdi.
Sotta Qýanysh Ázihanovtyń kinási kýágerlerdiń aıǵaqtarymen tolyq dáleldenip, onyń nesıege aqsha alý týraly dálelderi teriske shyǵaryldy.
Qylmystyq kodekstiń 2-bóliginiń 366-babynyń sankııasynda 3 jyldan 7 jylǵa deıingi merzimge bas bostandyǵynan aıyrý túrindegi jaza qarastyrylǵan, sot qylmystyq jaýaptylyqty jeńildetetin mán-jaılar anyqtaǵan joq jáne qylmys jasaǵan adamnyń qylmys jasaýy antty buzyp, aýyrlatatyn mán-jaı dep tanyldy (Qylmystyq kodekstiń 54-baby)...
Joǵaryda aıtylǵandardyń negizinde sot memlekettik qyzmettegi laýazymdarda jumys isteý quqyǵynan ómir boıyna aıyra otyryp, 4 jyl 5 aıǵa bas bostandyǵynan aıyrý jazasyn taǵaıyndady.
Úkim zańdy kúshine engen joq jáne joǵary satyǵa shaǵymdanýǵa bolady.
"Adyrna" ulttyq portaly
