Oralda ógeı qyzyn zorlaǵan 33 jastaǵy azamatqa sot úkim kesti. 13 jastaǵy jasóspirimge azǵyndyq jasaǵan ol endi 20 jylyn temir torda ótkizedi. Biraq sottalýshy aıybyn sol kúıi moıyndaǵan joq, dep habarlaıdy «Adyrna» ulttyq portaly KTK arnasyna silteme jasap.
Oqıǵa ótken jyldyń qyrkúıek aıynda bolǵan. 13 jastaǵy qyzdy ógeı ákesi jaldamaly páterge aparyp zorlapty. Arada bes kún ótkennen soń da jetkinshekti taǵy tósek qatynasyna túsýge shaqyryp, aýdıo habarlama jibergen. 8-synyp oqýshysy jazbany anasyna kórsetip, sumdyqtyń beti ashyldy. Osydan keıin pedofıl qamaýǵa alynyp, tergeý bastalǵan.
«Oral qalasynyń turǵyny Aımaǵanbetov 2007 jyly týǵan ógeı qyzyna qatysty kúsh qoldanyp, azǵyndyq áreket, seksýaldy sıpattaǵy zorlyq-zombylyq jasaǵan. Aımaǵanbetovtyń kinási jábirlenýshiniń jáne zańdy ókil, kýáler, sarapshylardyń aıǵaqtarymen dáleldendi, - sýdıa Baqyt Ermahanov.
"Adyrna" ulttyq portaly
