Saýd Arabııasy Koroldiginiń Densaýlyq saqtaý mınıstrligi bıylǵy qajylyqqa daıyndyq sheńberindegi arnaıy talaptardy jarııalady dep habarlaıdy «Adyrna» ulttyq portaly Qazaqstan musylmandarynyń dinı basqarmasyna silteme jasap.
Osy rette álemdegi pandemııalyq jaǵdaıdaǵy «Qajylyq-2021» maýsymyndaǵy Saýd Arabııa tarapynyń negizgi talaptaryna nazar aýdarý qajet:
— Bıylǵy qajylyq maýsymyndaǵy qajylar sany 60 myń adam dep belgilengen.
— Qajylyq jasaýǵa 18-60 jas aralyǵyndaǵy azamattar ótinish bere alady.
— Saýd Arabııasynda resmı bekitilgen vakına túrleriniń (Pfizer-BioNTech, AstraZeneca, Johnson&Johnson jáne Moderna) eki dozasyn qabyldaý talap etiledi. Ekinshi dozany koroldikke barýdan 14 táýlik buryn qabyldaýy tıis.
— Shet elderden kelgen kisilerge qajylyq qulshylyǵyna qatysy joq ózge aımaqtarǵa barýyna tyıym salynady.
Sondaı-aq ár qajy joǵaryda atalǵan vakınalardyń birin qabyldaǵany týraly óz eliniń quzyretti organdarynan anyqtama alýy jáne ony Saýd Arabııasynyń shet memleketterdegi elshilikterinde zańdastyrýy kerek. Buǵan qosymsha ár qajydan Koroldikke kelgen kezde 72 saǵatqa jaramdy teris nátıjeli PTR-test anyqtamasyn da kórsetý talap etiledi.
Qajylar Mekke aımaǵynda bir orynnan ekinshi orynǵa kóshken ýaqytta barlyq densaýlyq saqtaý sharalaryn qatań saqtaýy tıis.
Sondaı-aq bekitilgen erejelerge tolyq baǵyný qajet. Alaıda «Qajylyq-2021» maýsymynda qandaı memleketten qansha adam shaqyrylatyny jaıly jańalyqty Saýd Arabııa bıligi ázirge taratpaı otyr.
«Adyrna» ulttyq portaly.
