Reseı óz terrıtorııasyna qol suǵý áreketterine qatań jaýap beredi. Bul týraly prezıdent Vladımır Pýtın «Jeńis» uıymdastyrý komıtetiniń otyrysynda sóılegen sózinde aıtty.
Memleket kúsheıe bastaǵanda, onyń aıaǵynan shalyp, kedergi jasaǵysy keletinder sany kúrt artady deıdi Reseı basshysy. Ony oıynsha Reseıge qarsy agressııa KSRO qulaǵannan keıin de toqtaǵan emes.
"Barlyǵy da bizdi tistep alǵysy nemese bizdiń bir bólshegimizdi julyp alǵysy keledi. Biraq bizdi tistegisi kelgender mynany bilsin, biz olar endi tisteı almastaı etip tisin qaǵyp alamyz", - dedi Pýtın.
Ol mysal retinde birqatar saıasatkerlerdiń Reseıge "tıesili emes" dep Sibir baılyǵyna kóz alartqanyn aıta ketti. Pýtın Reseı terrıtorııasyna basyp kirý áreketterin jaýapsyz qaldyrmaıtyndyǵyna sendirdi, bul rette Prezıdent álemdegi eń úlken aýmaǵy bar Reseıdiń joǵary áleýetin atap ótti. Sonymen birge, ol Reseıdiń qorǵanys sektoryna qarjy ınvestıııalary boıynsha alǵashqy ondyqtyń sońǵy qatarynda turǵanyn, elde ekonomıkany mılıtarızaııalaý júrgizilmegenin eske saldy.
"Adyrna" ulttyq portaly
