Bırqatar BAQ-ta Türkıstan oblysy äkımınıŋ orynbasary Meiırjan Myrzalievtıŋ ūstalǧany turaly mälımet tarap kettı. Äkımdık Facebook jelısındegı paraqşasynda qauesetke tüsınıkteme berdı, dep habarlaidy «Adyrna» ūlttyq portaly.
Olardyŋ aituynşa, Meiırjan Myrzaliev syrqatyna bailanysty resmi türde demalysta eken.
«Türkıstan oblysy äkımınıŋ orynbasary Myrzaliev Meiırjan İiabaiūly resmi türde densaulyǧyna bailanysty uaqytşa demalysqa şyqqan. Ol "gipertoniialyq kriz" diagnozymen oblystyq auruhanalardyŋ bırınde em aluda. Artyq tüsınıktemelerden aulaq boludy sūraimyz. Qosymşa aqparat keiınırek berıledı», - delıngen baspasöz qyzmetınıŋ Facebook-te jariialaǧan habarlamasynda.Sonymen qatar Qazaqstannyŋ sybailas jemqorlyqqa qarsy ıs-qimyl agenttıgı de būl jaǧdaiǧa qatysty mälımdeme jasady.
«Myrzaliev sybailas jemqorlyqqa qarsy ıs-qimyl agenttıgınıŋ öndırısındegı qylmystyq ıs boiynşa qorǧaluǧa qūqyǧy bar kuäger retınde şaqyryldy. Ol küdıktı retınde tanylǧan joq, oǧan qatysty būltartpau şarasy taŋdalmady», - delıngen habarlamada.
"Adyrna" ūlttyq portaly
