Almatyda TikTok-bloger Nurbek Nurtaz qaıyrymdylyq jasady. Ol kezdeısoq kezikken almatylyqtardyń nesıesin tóledi.
Blogerdiń vıdeosy áleýmettik jelide qyzý talqyǵa túsip jatyr. Jeli qoldanýshylary vıdeony kórgende kózderine jas alǵanyn aıtýda. Sebebi adamdardyń shynaıy sezimi ekrannyń ar jaǵynan da baıqalǵan eken.
Nurbek Nurtaz adamdardyń nesıesin tólep berý ıdeıasy aıaq asty kelip, júzege asqanyn aıtty.
«Biz qaıyrymdylyqpen jıi aınalysyp turamyz, biraq ony únemi kórsete bermeımiz. Kez kelgen adamǵa jaqsylyq jasaýymyz múmkin, ol jaı kóshede ketip bara jatqan adam, múgedek nemese «jekege» kómek surap jazǵan adam bolýy múmkin. Eger adam shynymen qınalyp tursa, kómektesýge tyrysamyn. Ásirese qasıetti aıda nege jasamasqa? Onyń ústine múmkindigiń bolyp tursa. Meniń bul oıymdy áıelim men otbasym qoldady», - deıdi ol.
Sonymen qatar blogerge qala turǵyndarynyń kóbi senbegen.
Aıta keteıik, Nurbek Nurtaz bul jolǵy qaıyrymdylyqqa bir mıllıon teńgeden asa qarjysyn jumsap, shamamen on adamǵa qarjylaı kómek kórsetken.
"Adyrna" ulttyq portaly
