Qazaqstanda bári keremet degen taza ótirik – Jandarbek Bulǵaqov

4739
Adyrna.kz Telegram

Belgili aıtysker aqyn Jandarbek Bulǵaqov eldegi áleýmettik jaǵdaı týraly aıtty, dep habarlaıdy «Adyrna» ulttyq portaly.

«Memlekette turǵyndaryna qarap baǵa beriledi. Memleketi ozyp, adamy qalyp ketken memleket joq. Adamy baıyp, memleketi kedeılendi degen de joq. Úıdiń jıhazyna qarap, ıesiniń turmystyq jaǵdaıyn baıqaısyz. Bizdiń elde shalqyǵan baı da, qara nandy kóz jasyna shylap jep otyrǵan kedeı de bar. Bizdiń elde orta tap joq. Bizdiń el baı men kedeıden quralǵan. Elimiz avtobýsqa jol bıletine aqsha ázer tapqan adamdar men Leksýs 570 mingen adamdardan quralǵan. Osy eki aralyqta ǵana ómir súrip otyrmyz. Memleket qýatty bolý úshin ortańǵy tap kóp bolý kerek. Memleketimizde bári keremet, bári damyp ketti degen taza ótirik. Bári jaman degen de ótirik. Qudaı eki kóz bergen soń, jetistikti de, kemshilikti de qatar kórý kerek. Elimizde halyqqa qyzmet kórsetý ortalyǵynda jetistikter bar. Biraq, byt-shyt bolyp quldyrap jatqan salalar, ıdeologııa, rýhanııat bar. Halyqtyń turmysy nashar», - dedi ol Nurmahan Muqanulyna bergen suhbatynda.

"Adyrna" ulttyq portaly

Pikirler