Resei prezidentı Vladimir Putin vedomstvolyq küzet qyzmetkerlerın atys qaruymen jaraqtandyru turaly zaŋǧa qol qoidy. Būl turaly reseilık BAQ mälımdedı, dep habarlaidy "Adyrna" ūlttyq portaly.
Jaŋa zaŋǧa säikes, federaldy organdar men strategiialyq maŋyzy bar mekemelerdıŋ vedomstvolyq küzetınde jūmys ısteitın 250 myŋǧa juyq qyzmetker atys qaruyn uaqytşa paidalanu qūqyǧyna ie bolady. Olarǧa kalibrı 20 mm-ge deiıngı qaru men oq-därı Rosgvardiia mamandarynyŋ arnaiy nūsqaulyǧynan ötkennen keiın berıledı.
Resmi tüsındırmege sai, būl şeşım äue, suasty jäne suüstı drondardan tönetın qauıpke qarsy şara retınde qabyldanǧan. Küzetşıler qarumen qosa qorǧanys dulyǧalary men özge de arnaiy qūraldarmen de jabdyqtalady.
Aita keteiık, būryn vedomstvolyq küzet qyzmetkerlerı qaru men arnaiy qūraldardy tek özderı küzetetın nysandarda ǧana jäne qylmyskerlerdı tıkelei qudalau barysynda qoldana alatyn.
