Ózbekstannyń Aqqorǵan aýdanynda 23 jastaǵy áıel kúıeýi men enesiniń uryp-soǵýynan keıin aýrýhanada kóz jumdy. Jábirlenýshi aýyr soqqydan keıin komaǵa túsip, barlyq medıınalyq kómekke qaramastan, ómirin saqtap qalý múmkin bolmaǵan, dep habarlaıdy "Adyrna" ulttyq portaly.
Jergilikti BAQ-tyń málimetinshe, qaıǵyly oqıǵaǵa baılanysty áıeldiń kúıeýi proessýaldyq tártipte qamaýǵa alynǵan.
Bul oqıǵa Ózbekstanda úlken rezonans týdyryp, qoǵamda áıelderge qatysty zorlyq-zombylyq máselesin qaıta kóterdi. Áleýmettik jeli qoldanýshylary kinálilerdi qatań jazaǵa tartýdy talap etýde.
Quqyq qorǵaý organdary tergeý jumystaryn jalǵastyrýda. Tergeý nátıjeleri men sot sheshimi aldaǵy ýaqytta jarııalanbaq.
