Almaty kóshelerinde kógershinder qyrylyp jatyr

4339
Adyrna.kz Telegram

Almaty turǵyndary qalanyń dál ortasynda jıyrma shaqty qus ólikterin tapty, dep habarlaıdy "Adyrna" ulttyq portaly.

Qala turǵyndary qustar ýlanyp qalǵan dep boljaıdy, dep habarlaıdy KTK.

"Olardyń bárinde aýzynan kóbik, sodan keıin qan paıda boldy. Men antıdotty paıdalanyp úlgergenimshe, olar meniń kóz aldymda birneshe saǵat ishinde ólip qaldy. Endi mine qorapta antıdot bar, biraq, ókinishke oraı, men úlgere almadym", deıdi qala turǵyny Anastasııa Mıgýnova.

Áıel 7 mamyrda tańerteń jol boıynda qyrylyp jatqan qustardy tapty. Anastasııa qustardy tamaqtandyrýǵa shyqty, biraq qustardyń áreń qozǵalatynyn baıqaǵan.

Nemquraıly almatylyq áıel dereý veterınarlardy shaqyryp, dári-dármek alýǵa bardy. Ol qaıtyp kelgende, qutqaratyn eshkim bolmady. Bundaı qustardyń jappaı qyrylýyna ne sebep bolǵany áli belgisiz.

Osyǵan uqsas jaǵdaı ótken jyldyń naýryz aıynyń sońynda Almatyda tirkelgen. Sodan keıin áleýmettik jelilerdiń qoldanýshylary 28 panfılovshylar saıabaǵynda ólgen kógershinder týraly aqparat jarııalady. Saraptamadan keıin mamandar juqpaly aýrýlar men ýlanýdy joqqa shyǵardy. Al ákimdik qustar ashtan óldi degen boljam jasady.

"Adyrna" ulttyq portaly

 (foto: favoritekherson.co)

Pikirler