Taldyqorǧan qalasyndaǧy Nazarbaev Ziiatkerlık mektebınıŋ bastauyş synybynyŋ arasynda Ūly Otan soǧysyndaǧy Jeŋıstıŋ 76 jyldyǧyna arnalǧan «Bız Jeŋıstıŋ mūragerlerımız» atty suret baiqauy öttı.
Baiqauǧa jetpısten astam özındık şyǧarmaşylyq jūmystar ūsynyldy, būl suretterde balalardyŋ «Ūly Otan soǧysyndaǧy Jeŋıs» taqyrybyna közqarasyn köruge bolady.
Ūstaz-ūiymdastyruşy-kuratorlardyŋ aituy boiynşa, ūly mereke qarsaŋynda patriottyq suret baiqauy mekteptıŋ jaqsy dästürıne ainaldy. Is-şara sabaqtastyqty saqtauǧa, aǧa ūrpaq ökılderıne degen qūrmetpen qarauǧa, soǧys ardagerlerıne alǧys belgısın ūsynuǧa mümkındık beredı.
2-synyp oquşysy Milana Soi ūlyn maidanǧa şyǧaryp salǧan ananyŋ suretın salǧan. Milana özınıŋ şyǧarmaşylyq jūmysyn «Cherez goda, cherez veka. Pomnite…», dep atady.
- Osy surettı salǧan kezde äjemnıŋ äŋgımelerı esıme tüstı. Äjemnıŋ aty Vera, ol 84 jasta. Äje äkesı soǧysqa attanǧan kezde üş jasta bolǧanyn aitty. Bıraq köp uaqyt ötpei, qara qaǧaz keldı. Äkesınıŋ türın ūmytsada, soǧys jyldaryndaǧy sezıngen aştyq pen joqşylyq älı esınde. Maǧan äjem ärqaşan osy sözderdı aityp otyrady «Bız üşın öz ömırın qiǧan jäne osy beibıt älemdı syilaǧan Ūly batyrlarymyzdy ärdaiym qūrmetteuımız kerek», dep, - deidı Milana özınıŋ sūhbatynda.Ziiatkerlık mekteptıŋ 5-synyp oquşysy Ramina Adylhan özınıŋ ülken atasy Äbdıǧai Djunusovty öz elestetkendei etıp beineledı. Öitkenı, atasynan tıptı fotosuretter de saqtalǧan joq. Ol soǧystan ökınışke orai oralmai, ız-tüssız joǧalyp ketken eken.
- Ülken atam üige oralmady. Ol ūrys dalalarynda habarsyz ketken myŋdaǧan batyrlardyŋ bırı bolyp qala berdı. Ol özınıŋ ömırın Otan üşın, bızdıŋ baqytty bolaşaǧymyz üşın berdı! Bız ülken atamyzdy maqtan tūtamyz jäne onyŋ esımın ärqaşanda jüregımızde saqtaimyz», - dep öz pıkırın Ramina bıldırdı.Jalpy taqyryppen bırıktırılgen şyǧarmaşylyq jūmystar bır-bırınen oryndau tehnikasymen erekşelendı, bıraq olardyŋ ärqaisysynda ata-babalaryna degen saltanat pen maqtanyş sezımı baiqaldy.
