Búgin «Grek-rım kúresinen tuńǵysh Olımpıada chempıony, Álem chempıony, Qazaqstannyń Eńbek Eri, «Barys», «Qurmet», «Parasat» ordenderiniń ıegeri Jaqsylyq Ámiráliuly Úshkempirovtyń týǵan kúni, dep habarlaıdy “Adyrna” ulttyq portaly.
Tiri bolsa 70 jasqa tolar edi. Esterińizde bolsa, 2020 jyldyń 2 tamyzynda qara qazaq qabyrǵasy qaıysyp, jaqsy adamynan aıyrylyp qalǵan edi.
Jaqsylyq Úshkempirov 1951 jyly Jambyl oblysyna qarasty Tegistik aýylynda dúnıege kelgen. Mektep bitirgennen keıin, Semeı qalasyndaǵy mal dárigerlik ınstıtýtyna túsip, zootehnıkalyq mamandyqty tańdaǵan.
Jaqsylyq Úshkempirov 1974 jyly ınstıtýtty támamdap, qazaq jerine eńbegi sińgen jattyqtyrýshy V.A. Pısarevtiń basshylyǵymen Almatyǵa at basyn burady.
Kishkentaıynan qazaqsha kúrespen aınalysqan ol joǵary oqý ornynda bilim alyp júrip, kúrestiń klassıkalyq jáne erkin túrlerimen shuǵyldana bastaǵan.
