Qazaqstandyqtar koronavirusqa qarsy ekı vaksinanyŋ bırın taŋdai ala ma? Būl sūraqqa därıger, professor Säken Ämıreev jauap berdı, dep habarlaidy "Adyrna" ūlttyq portaly, Tengrinews.kz-ke sıltep.
QR klinikalyq jäne ırgelı medisina akademigı, Asfendiiarov atyndaǧy QazŪMU epidemiologiia kafedrasynyŋ professory, Qazaq medisinalyq üzdıksız bılım beru universitetınıŋ professory Säken Ämıreevtıŋ aituynşa, qazaqstandyqtar koronavirusqa qarsy ekı vaksinanyŋ bırın taŋdai alady.
"Elımızde koronavirusqa qarsy ekı türlı vaksina salynyp jatyr, ekeuınıŋ de tiımdılıgı men qauıpsızdıgı däleldengen. Sondyqtan, qorqatyn eşnärse joq. Al, taŋdauǧa keletın bolsaq, ärkım özı taŋdaidy, reseilık pe, otandyq pa. Egu bölmesınde ekı türı ūsynylady, eger bır türı bolmai qalsa, baryn saldyra berıŋız. Taŋdaǧan vaksinany ǧana saldyramyn deseŋız, jetkızıluın kütuıŋızge äbden bolady. Menıŋ oiymşa, otandyq vaksinaǧa qoldau körsetuımız kerek, ol da barlyq resmi tekseruden sättı ötken. Ekeuınıŋ arasynda anau nemese mynau jaqsy dep aituǧa bolmaidy", - dedı Ämıreev.
"Vaksina saldyru, ne saldyrmau ärine ärkımnıŋ öz erkı. Alaida, sız vaksina saldyrmai auyryp qalsaŋyz, auru auyr därejede ötuı mümkın. Vaksinaǧa qarsy körsetılım bolmasa ekpenı saldyrǧan dūrys", - dedı ol.Eske salaiyq, bügın Soi tıkelei efirde koronavirusqa qarsy vaksina saldyrǧan bolatyn.
"Adyrna" ūlttyq portaly
Ūqsas jaŋalyqtar
