Şymkent qalasynyŋ äkımı Mūrat Äitenov jäne B. Narymbetov bastaǧan qalalyq mäslihat deputattary 137 orta mekteptıŋ jai-küiımen tanysty.
Samal-3 şaǧyn audanynda ornalasqan bılım ordasy 1200 orynǧa laiyqtalǧan. Qūrylysy 2018 jyldyŋ soŋynda bastalǧan bolatyn. Bas merdıger - «Atameken korparasiiasy» JŞS-y. Bılım oşaǧy arnaiy ūldar jäne qyzdarǧa arnalǧan şeberhanamen, STEM kabinetı, sportzal, ashanamen qamtylǧan.
Qala äkımı synyptardy aralap, «Oquǧa qūştar mektep - oquǧa qūştar ūlt» atty kıtap körmesımen tanysty. Sonymen bırge, şahmat oinauşylardy tamaşalap, sport seksiialaryna da at basyn būrdy.
- Balalardyŋ densaulyǧyn nyǧaitudy, būqaralyq sportty damytudy qolǧa alu qajet. Ol üşın oquşylardy sport üiırmelerıne köptep tartu maŋyzdy. Zamanaui mektepterde bılım alǧan balalar bızdıŋ jarqyn bolaşaǧymyzdyŋ kepılı. Bılım sapasymen qatar balalar qauıpsızdıgı nazardan tys qalmasyn, -degen şahar basşysy aralau soŋynda mekteptegı estelık kıtapqa jazba qaldyrdy.
Şymkent qalasy äkımdıgınıŋ baspasöz qyzmetı
