«Jańa tolqyn» (Novaıa volna) halyqaralyq vokaldyq baıqaýynda Qazaqstandy Mezzo toby usynatyn bolady, dep habarlaıdy "Adyrna" ulttyq portaly.
Jartylaı fınaldyq irikteý birneshe kún boıy Máskeýde ótti. Oǵan Reseı, Belarýssııa, Ýkraına, Qyrǵyzstan, Armenııa, Grýzııa, Izraıl, Avstrııa, Avstralııa, Nıderlandydan 80 mýzykant qatysty. Mezzo ABBA repertýaryndaǵy, Westside story mıýzıklindegi ándermen jáne ózderiniń jeke ánderimen óner kórsetti. 19-25 tamyz aralyǵynda Sochıde ótetin baıqaýdyń fınalyna 20 ártis ótti.
"Biz jigittermen buǵan óte uzaq ýaqyt daıyndaldyq. Bul bizdiń úshinshi ret baq synaýymyz jáne ol sátti bolyp shyqty. Bul biz úshin keremet jáne qýanyshty sát. Biz osyndaı bedeldi halyqaralyq jarysta Qazaqstannyń atynan qatysýdy armandadyq. Biz buǵan tolyqtaı daıynbyz. Bizdiń komandada Sochıde laıyqty óner kórsetetin barlyq qasıet bar. Bizdi qoldańyzdar!", dep bólisti toptyń prodıýseri Abdel Muhtarov.
Mezzo - bul klassıkalyq jáne tanymal mýzyka elementteriniń sıntezindegi klassıkalyq krossover baǵytynda jumys isteıtin Qazaqstandaǵy alǵashqy vokaldyq top. Top 2012 jyly quryldy. Quramynda: Jasulan Sydyqov, Jánibek Seıdahmetov, Asan Nurbergenov jáne Meıirhan Jantýrǵanov bar. Komanda 2012 jyly X Factor Kazakhstan baıqaýynda 2 oryn alyp, tanymaldylyqqa ıe boldy.
«Detskaıa novaıa volna» irikteýi bolǵanyn da atap óteıik. Oǵan 11 jastaǵy Jan Makım Qazaqstan atynan óner kórsetpek. Irikteý úsh kezeńnen turdy. Myńnan astam qatysýshynyń arasynan qazylar alqasy jas talant Jandy tańdady. Jan shamamen tórt jyl buryn mýzykamen aınala bastady. Fortepıano, elektro gıtara, ýkýlele, barabandarda oınaıdy. 2019 jyly Jan Makım Reseıdegi «Golos.Detı» jobasyna qatysyp, sodan keıin Valerıı Meladzeniń komandasyna qosyldy. 2020 jyly ol Junior Eurovision án baıqaýynyń fınalısti boldy.
"Adyrna" ulttyq portaly
