Áleýmettik jelilerde Ralf esimdi qoıannyń beınerolıgi qyzý talqyǵa túsýde. Kórgen jannyń júregin eljiretken beınede janýarlarǵa test jasaýdyń durys emestigi baıandalǵan, dep habarlaıdy "Adyrna" tilishisi.
Vıdeony jasaýshylar adamdarǵa arnalǵan kosmetıkalyq zattardyń áýeli qoıandarǵa synama jasalatynyn, sonyń kesirinen olardyń zardap shegetinin jetkizgen. Al statıstıka boıynsha jylyna 150 mıllıonnan astam janýar synama kezinde óledi.
"Biz adamdar qoldanatyn nárselerdi synap kórý úshin jaralǵanbyz. Meniń anam da, ákem de, balalarym da synaq kezinde qaıtys bolǵan" deıdi qoıan beınerolıkte.
Qazirgi tańda vıdeonyń túpnusqasy 5 jarym mıllıonnan astam qaralym jınaǵan.
Halyq arasynda #janýarlarǵatestjasaýtoqtatylsyn, #SaveRalph degen heshtegter beleń aldy.
"Adyrna" ulttyq portaly
